01-Aug-2014 Friday

FLASH NEWS ഇന്ത്യക്ക് പന്ത്രണ്ടാം സ്വർണ്ണം-65 കിലോ ഫ്രീസ്റ്റൈൽ ഗുസ്തിയിൽ യോഗേശ്വർ ദത്തിന് സ്വർണ്ണം . ഫൈനലിൽ കാനഡയുടെ ജിവോൺ ബാൽഫോറിനെയാണ് തോൽപ്പിച്ചത് .

FLASH NEWS ഇന്ത്യക്ക് വെള്ളി-വനിതകളുടെ 63 കിലോ വിഭാഗം ഗുസ്തിയിൽ ഇന്ത്യയുടെ ഗീതിക ജഖാറിന് വെള്ളി .

FLASH NEWS ഇന്ത്യക്ക് വെങ്കലം-86 കിലോ ഗുസ്തിയിൽ ഇന്ത്യയുടെ പവൻകുമാറിന് വെങ്കലം .

FLASH NEWS ടിന്റു സെമിയിൽ തോറ്റു-കോമൺവെൽത്ത് ഗെയിംസ്: 800മീറ്ററിൽ ടിന്റുവിന് ഫൈനലിലെത്താനായില്ല . സെമിയിൽ ടിന്റു ഫിനിഷ് ചെയ്തത് ഏഴാം സ്ഥാനത്ത് .

FLASH NEWS വികാസിന് സ്വർണ്ണം-ഡിസ്കസ് ത്രോ: വികാസ് ഗൗഡക്ക് സ്വർണ്ണം . 63.64 മീറ്റർ ദൂരം കണ്ടെത്തിയാണ് വികാസ് സ്വർണ്ണം നേടിയത് . ദില്ലി ഗെയിംസിൽ വികാസ് വെളളി നേടിയിരുന്നു . ഗ്ലാസ്ഗോയിൽ ഇന്ത്യയുടെ ആദ്യ അത്‍‍ലറ്റിക് സ്വർണ്ണമാണ് വികാസ് നേടിയത് . ഇതോടെ ഇന്ത്യയുടെ സ്വർണ്ണനേട്ടം 13 ആയി .

FLASH NEWS ഇന്ത്യ സെമിയിൽ -കോമൺവെൽത്ത് ഗെയിംസ്: ഹോക്കിയിൽ ഇന്ത്യ സെമി ഫൈനലിലെത്തി . ഗ്രൂപ്പ് മത്സരത്തിൽ ദക്ഷിണാഫ്രിക്കയെ 2 നെതിരെ 5 ഗോളുകൾക്കാണ് ഇന്ത്യ തോൽപ്പിച്ചത് . ഗ്രൂപ്പിൽ രണ്ടാം സ്ഥാനക്കാരായാണ് ഇന്ത്യ യോഗ്യത നേടിയത് .

JUST IN-

യുവാവ് കുത്തേറ്റു മരിച്ചു-തിരുവനന്തപുരം പാങ്ങോട് യുവാവ് കുത്തേറ്റു മരിച്ചു; ഭരതന്നൂർ കണ്ണന്പാറ സ്വദേശി വിഷ്ണു ശങ്കർ (28) ആണ് മരിച്ചത്; വിഷ്ണുവിനെ കുത്തിക്കൊലപ്പെടുത്തിയ ബന്ധുവിനെ പൊലീസ് തെരയുന്നു .

JUST IN-

കോൺഗ്രസ് നേതാവിനെ പുറത്താക്കി-ബിജെപി നേതൃത്വവുമായി ചർച്ച നടത്തിയതിന് ഹരിയാനയിലെ വിമത നേതാവ് ബിരേന്ദർ സിംഗിനെ കോൺഗ്രസ് പ്രവർത്തകസമിതിയിൽ നിന്ന് പുറത്താക്കി; കഴിഞ്ഞ ദിവസം ബിരേന്ദർ ബിജെപി അദ്ധ്യക്ഷൻ അമിത്ഷായുമായി കൂടിക്കാഴ്ച നടത്തിയിരുന്നു .

കേരള വാർത്തകൾ-

വിദ്യാർത്ഥികൾക്ക് കൂട്ട സസ്പെൻഷൻ-കോഴിക്കോട് KMCTയിൽ വിദ്യാർത്ഥികൾക്ക് കൂട്ട സസ്പെൻഷൻ;പെരുന്നാളിന് പിറ്റേന്ന് കോളേജിൽ എത്താത്തതിനെ തുടർന്നാണ് നടപടിയെന്ന് വിദ്യാർത്ഥികൾ;പരീക്ഷ അടുത്തിരിക്കുന്നതിനിടെയാണ് വിദ്യാർത്ഥികളെ സസ്പെന്റ് ചെയ്തത് .

മുഖ്യമന്ത്രിക്ക് പിന്തുണ-ലോട്ടറിക്കേസിൽ മുഖ്യമന്ത്രിക്ക് കെപിസിസിയുടെ പിന്തുണ; മാർട്ടിനെ കാലുകുത്താൻ അനുവദിക്കില്ലെന്ന നിലപാട് സ്വാഗതാർഹമെന്ന് സുധീരൻ .

മൂന്നാർ കേസിലെ വിധി-മൂന്നാർ കേസിലെ കോടതിവിധി കയ്യേറ്റക്കാർക്ക് അനുകൂലമെന്ന് വി എം സുധീരൻ; മൂന്നാർ വിധിക്കെതിരെ നിയമപരമായ പോംവഴി തേടണമെന്നും സുധീരൻ .

സിബിഐ അന്വേഷിക്കണം-വാളകം കേസിലെ കൃഷ്ണകുമാറിന്‍റെ വൈദ്യ പരിശോധന എയിംസില്‍ തന്നെ നടത്തുന്നതിന് സംവിധാനമുണ്ടാക്കണമെന്ന് പ്രതിപക്ഷ നേതാവ് വി.എസ്.അച്യുതാനന്ദന്‍; ഈ ആവശ്യം ഉന്നയിച്ച് വി എസ് സിബിഐ ഡയറക്ടര്‍ രഞ്ജിത് സിന്‍ഹയ്ക്ക് കത്തയച്ചു .

അവനീബാല പുരസ്കാരം -അവനീബാല പുരസ്കാരം കവി കണിമോൾക്ക് ; ഉന്മാദികളുടെ പൂവ് എന്ന കവിതാ സമാഹാരത്തിനാണ് പുരസ്കാരം .

പ്ലസ് ടു അഴിമതിക്ക് തെളിവ് -പ്ലസ് ടു അനുവദിച്ചുകിട്ടുന്നതിന് ചില രാഷ്ട്രീയനേതാക്കൾ ഒരു കോടി രൂപ ചോദിച്ചെന്ന് കൊല്ലം പുത്തൂരിലെ സ്കൂൾ മാനേജർ ഏഷ്യാനെറ്റ് ന്യൂസിനോട് . പണം തന്നില്ലെങ്കിൽ നാല് പേരെ സ്കൂളിൽ നിയമിക്കണമെന്ന് ആവശ്യപ്പെട്ടെന്ന് മാനേജ‍ർ ഓമന ശ്രീറാം . 3 അധ്യാപകരെയും ഒരു പ്യൂണിനെയും നിയമിക്കണമെന്ന് ചില രാഷ്ട്രീയനേതാക്കൾ ആവശ്യപ്പെട്ടു . മുഖ്യമന്ത്രിക്ക് പരാതി നൽകുമെന്ന് എസ്എൻജിഡി സ്കൂൾ മാനേജർ .

ആരോപണത്തിൽ ഉറച്ച് ഫസൽ ഗഫൂർ-പ്ലസ് ടു കോഴ ആരോപണത്തിൽ ഉറച്ചുനിൽക്കുന്നുവെന്ന് എംഇഎസ് പ്രസിഡന്റ് ഫസൽ ഗഫൂർ .

അപാകത സർക്കാ‌ർ പരിശോധിക്കണം-പ്ലസ് ടു അനുവദിച്ചതിൽ അപാകതയുണ്ടെങ്കിൽ സർക്കാ‌ർ പരിശോധിക്കണമെന്ന് സുധീരൻ; വേണ്ടിവന്നാൽ കെപിസിസി പിന്നീട് ഇടപെടും .

പ്ലസ് ടുവിൽ ഹൈക്കോടതി -അധിക ബാച്ചുകൾ അനുവദിച്ചുകൊണ്ടുള്ള സർക്കാർ ഉത്തരവ് നാളെ ഹാജരാക്കണമെന്ന് ഹൈക്കോടതി . മാനദണ്ഡങ്ങൾ മറികടന്നാണ് ബാച്ചുകൾ അനുവദിച്ചതെന്ന ഹർജിയിലാണ് ഉത്തരവ് .

ലോട്ടറി ഡയറക്ടർ എം നന്ദകുമാറിനെ മാറ്റി-മുൻ നികുതി കമ്മീഷണർ രബീന്ദ്രകുമാർ അഗർവാൾ പുതിയ ഡയറക്ടർ; ഡയറക്ടർ സ്ഥാനത്ത് നിന്ന് മാറ്റാൻ താൻ ആവശ്യപ്പെട്ടിരുന്നതായി നന്ദകുമാർ .

ക്വാറികൾ പരിശോധിക്കണം-തിരുവനന്തപുരം മൂക്കുന്നിമലയിൽ പാരിസ്ഥിതിക അനുമതി ഇല്ലാതെ പ്രവർത്തിക്കുന്ന എത്ര പാറമടകളുണ്ടെന്ന് റിപ്പോർട്ട് നൽകാൻ ദേശീയ ഹരിത ട്രിബ്യൂണലിന്റെ നിർദ്ദേശം; മലിനീകരണ നിയന്ത്രണ ബോർഡ് സ്ഥലം പരിശോധിച്ച് ഒരാഴ്ചക്കകം റിപ്പോർട്ട് നൽകണം; മൂക്കുന്നിമല ജനകീയ സമിതിയുടെ ഹർജിയിലാണ് തീരുമാനം .

"പട്ടയ'ത്തിൽ പിന്നോട്ടില്ല-2002ൽ കോഴിക്കോട്ട് തമിഴ്നാട് ട്രാൻസ്പോ‍ർട്ട് ബസ് കത്തിച്ച കേസിലെ പ്രതി നൗഷാദ് തിക്കോടി കുറ്റക്കാരനല്ലെന്ന് കോഴിക്കോട് അഡി.സെഷൻസ് രണ്ടാം കോടതി; ഇയാളെ കോടതി വെറുതെ വിട്ടു .

ശരത്ചന്ദ്രപ്രസാദിന്റെ മൊഴിയെടുത്തു-ബ്ലാക്മെയിൽ പ്രതി ജയചന്ദ്രനെ ഒളിപ്പിച്ച കേസിൽ കോൺഗ്രസ് നേതാവ് ശരത്ചന്ദ്രപ്രസാദിന്റെ മൊഴിയെടുത്തു; കൊച്ചി അസി. കമ്മീഷണർ റെക്സ് റോബിയാണ് മൊഴി രേഖപ്പെടുത്തിയത് .

കുടുക്കാൻ ശ്രമം നടക്കുന്നുവെന്ന് ശരത്ചന്ദ്രപ്രസാദ്-തന്നെ കുടുക്കാൻ ശ്രമം നടക്കുന്നുവെന്ന് ശരത്ചന്ദ്രപ്രസാദ്; ഇപ്പോൾ നടക്കുന്നത് മാധ്യമവിചാരണയെന്നും ശരത്ചന്ദ്രപ്രസാദ് .

ആരോപണം തെളിഞ്ഞാൽ നടപടി-ശരത്ചന്ദ്ര പ്രസാദിനെതിരായ ആരോപണം തെളിഞ്ഞാൽ നടപടിയെന്ന് വി എം സുധീരൻ; ഊഹാപോഹങ്ങളുടെ അടിസ്ഥാനത്തിൽ മാത്രം നടപടിയില്ലെന്നും സുധീരൻ .

ബ്ലാക്ക്മെയിൽ കേസിലെ സാക്ഷി ഏഷ്യാനെറ്റ് ന്യൂസിനോട്-വെഞ്ഞാറമൂട് സ്വദേശി രവീന്ദ്രന്റെ ആത്മഹത്യ ബ്ലാക്ക്മെയിൽ സംഘത്തിന്റെ ഭീഷണിയെ തുടർന്നാണെന്ന് സാക്ഷി വിൽസൺ പെരേര . കിടപ്പറരംഗങ്ങൾ ഭാര്യയെ കാണിക്കുമെന്ന് സംഘം ഭീഷണിപ്പെടുത്തി; തുടർന്ന് രവി മാനസിക സംഘർഷത്തിലായിരുന്നെന്ന് സാക്ഷി . റുക്സാനയുടെ കയ്യിൽ അശ്ലീല സിഡികൾ ഉണ്ടെന്നും വിൽസൺ പെരേര . കശുവണ്ടി വ്യവസായിക്ക് പുറമേ തടിവ്യവസായിയും വലയിൽ കുടുങ്ങിയെന്നും സാക്ഷി വിൽസൺ പെരേര . പരാതിക്കാരൻ സജിയും താനും സിഡി കണ്ടെന്നും സാക്ഷിയുടെ വെളിപ്പെടുത്തൽ .

തെളിവെടുത്തു-ബ്ലാക്ക്മെയിലിംഗ് കേസിലെ മുഖ്യപ്രതി ജയചന്ദ്രനെ കൈതമുക്കിൽ കൊണ്ടുവന്ന് തെളിവെടുത്തു . ജയചന്ദ്രൻ തിരുവനന്തപുരത്ത് മറ്റൊരു വീട് കൂടി വാടകക്കെടുത്തിരുന്നു; ഇവിടെ പൊലീസ് പരിശോധന നടത്തി .

ബ്ലാക്മെയിലിംഗ് കേസ്-ജയചന്ദ്രൻ ഉപയോഗിച്ചിരുന്ന ലാപ്ടോപ് സുഹൃത്ത് മുത്തുകൃഷ്ണനിൽ നിന്ന് പൊലീസ് കണ്ടെടുത്തു .

മാണി വിഭാഗം നിലപാട് കടുപ്പിക്കുന്നു-ഇടുക്കി പട്ടയപ്രശ്നത്തിൽ ഏതറ്റം വരെയും പോകുമെന്നത് പാർട്ടി നിലപാടാണെന്ന് കെ എം മാണി; ജോസ് കെ മാണിയുടേത് പാർട്ടി നിലപാട് തന്നെയെന്നും മാണി കെ എം മാണി ഏഷ്യാനെറ്റ് ന്യൂസിനോട് .

സർക്കാർ ഡോക്ടർമാർ സമരം പിൻവലിച്ചേക്കും-ഡോക്ടർമാർക്കെതിരെ പ്രഖ്യാപിച്ചിരുന്ന ഡയസ്നോൺ പിൻവലിക്കാൻ ധാരണ .

നിലന്പൂർ-നഞ്ചൻകോട് പാത-നിലന്പൂർ-നഞ്ചൻകോട് പാതക്ക് സാധ്യതയില്ലെന്ന് റെയിൽവെ മന്ത്രി സദാനന്ദഗൗഡ; എം കെ രാഘവൻ എംപിയുടെ ചോദ്യത്തിനാണ് മന്ത്രിയുടെ മറുപടി .

ഒരാൾ അറസ്റ്റിൽ-കോയന്പത്തൂർ സ്ഫോടനക്കേസിൽ മലപ്പുറത്ത് ഒരാൾ അറസ്റ്റിൽ; മങ്കട സ്വദേശി കുഞ്ഞുമുഹമ്മദാണ് അറസ്റ്റിലായത് ; ഊമ ബാബുവിനെ ഒളിവിൽ താമസിക്കാൻ സഹായിച്ചുവെന്ന കേസിലാണ് അറസ്റ്റ് .

ലൈംഗിക ചൂഷണം നടന്നിട്ടില്ലെന്ന് ക്രൈംബ്രാഞ്ച് -മുക്കം അനാഥാലയത്തിൽ ലൈംഗിക ചൂഷണം നടന്നതിന് തെളിവില്ലെന്ന് ക്രൈംബ്രാഞ്ച് ഹൈക്കോടതിയിൽ . വിദേശത്ത് നിന്നടക്കമുള്ള ഫണ്ട് നേടിയെടുക്കലും ഡിവിഷൻ നഷ്ടപ്പെടാതിരിക്കുകയും ആയിരുന്നു കുട്ടികളെ കൊണ്ടുവന്നതിന്റെ ലക്ഷ്യം . ഡിവിഷൻ നഷ്ടപ്പെടാതിരിക്കുകയും ലക്ഷ്യം . ജാർഖണ്ഡിൽനിന്ന് കുട്ടികളെ കൊണ്ടുവന്നത് വ്യാജ രേഖകൾ ഉപയോഗിച്ചെന്നും ക്രൈംബ്രാഞ്ച് .

അനാഥാലയത്തിൽ ക്രമക്കേട്-മുക്കം അനാഥാലയം സർക്കാർ ഗ്രാൻഡ് വാങ്ങിയതിൽ ക്രമക്കേടെന്ന് അന്വേഷണ റിപ്പോര്‍ട്ട് . അന്വേഷണ റിപ്പോര്‍ട്ട് മനുഷ്യാവകാശ കമ്മീഷൻ ഡി.ഐ.ജി ശ്രീജിത്തിന്‍റേത് . 48 ലക്ഷം രൂപ വിദേശസഹായം കൈപ്പറ്റി; ഇക്കാര്യം മറച്ചുവച്ചു . അന്വേഷണ റിപ്പോർട്ട് മനുഷ്യാവകാശ കമ്മിഷനും സര്‍ക്കാരിനും വിജിലന്‍സിനും കൈമാറി .

സൗകര്യങ്ങളില്ലാത്ത പൊലീസ് പരാതി അതോറിറ്റി -ജില്ലാ പൊലീസ് പരാതി അതോറിറ്റിയിൽ അടിസ്ഥാന സൗകര്യങ്ങൾ പോലുമില്ല; അതോറിറ്റിക്ക് വാഹനം, ഓഫീസ്, സ്റ്റാഫ് എന്നിവ അനുവദിച്ചിട്ടില്ല; മതിയായ സൗകര്യങ്ങളില്ലാത്തതിനാൽ സിറ്റിംഗ് മുടങ്ങുന്നു .

നിയമഭേദഗതി അംഗീകരിക്കില്ല-കേന്ദ്രസർക്കാർ കൊണ്ടുവരുന്ന തൊഴിൽ നിയമഭേദഗതി അംഗീകരിക്കില്ലെന്ന് സിഐടിയു .

പലിശ എഴുതിത്തള്ളണമെന്ന് മുഖ്യമന്ത്രി-ഇറാഖിൽ നിന്നും മടങ്ങിയെത്തിയ നഴ്സുമാരുടെ വിദ്യാഭ്യാസവായ്പ പലിശ എഴുതിത്തള്ളണമെന്ന് മുഖ്യമന്ത്രി . എടുത്ത തുകയേക്കാൾ കുടുതൽ തുക അടച്ചിട്ടുണ്ടെങ്കിൽ വായ്പ മുഴുവൻ എഴുതിത്തള്ളണമെന്നും ഉമ്മൻചാണ്ടി .

കെപിസിസി യോഗത്തിൽ ടി.എൻ. പ്രതാപൻ-മദ്യക്കച്ചവടം , ബ്ലേഡ് സ്ഥാപനം എന്നിവ നടത്തുന്നവരെയും അതിൽ പങ്കാളികളാകുന്നവരേയും പാർട്ടി ഭാരവാഹികൾ ആക്കരുതെന്ന് കെപിസിസി യോഗത്തിൽ ടി എൻ പ്രതാപൻ .

ലോട്ടറി നിയമത്തിൽ മാറ്റം വേണം-ഉമ്മൻചാണ്ടി സർക്കാരിന് ലോട്ടറി മാഫിയയുമായി ബന്ധമെന്ന് എം വി ജയരാജൻ; സംസ്ഥാനസർക്കാർ കോടതിയിൽനിന്നും വസ്തുതകൾ മറച്ചുവെച്ചതിനാലാണ് പ്രതികൂലവിധി കിട്ടിയതെന്നും ജയരാജൻ; കേന്ദ്രനിയമത്തിൽ മാറ്റം വേണമെന്നും ജയരാജൻ .

പണിമുടക്കിൽ നിന്ന് ഒരു വിഭാഗം തൊഴിലാളികൾ പിന്മാറി-നാളെ എറണാകുളം ജില്ലയിൽ നടത്താനിരുന്ന ബസ് പണിമുടക്കിൽ നിന്ന് വൈറ്റില സർക്കുലർ ബസ്സുകളിലെ ജീവനക്കാർ പിൻമാറി; ബസ്സുടമകളുമായി യൂണിയൻ ഭാരവാഹികൾ നടത്തിയ ചർച്ചയിൽ തൊഴിലാളികൾക്ക് കൂലി കൂട്ടിനൽകാമെന്ന് ബസ്സുടമകൾ സമ്മതിച്ചു; ഇടപ്പളളി ചേരാനല്ലൂർ മേഖലയിലെ 40 ബസ്സുകൾ നാളെ മുതൽ അനിശ്ചിതകാല പണിമുടക്ക് നടത്തും .

വിമതർക്ക് ജയം-ഇടുക്കി ജില്ലാ പൊലീസ് അസോസിയേഷൻ തെരഞ്ഞെടുപ്പിൽ ഔദ്യോഗിക പാനലിന് തോൽവി, പ്രസിഡന്റും സെക്രട്ടറിയുമടക്കം 11 സ്ഥാനങ്ങളിലും വിമതർ ജയിച്ചു, സിപിഎം പിന്തുണയോടെയാണ് വിമതർ മത്സരിച്ചത് .

അന്തരിച്ചു-പ്രമുഖ ആര്‍കിടെക്ട് ഡോ. ജോര്‍ജ് ചെറിയാന്‍ (63) ഓസ്ട്രേലിയയില്‍ അന്തരിച്ചു; സംസ്കാരം ഞായറാഴ്ച വൈകിട്ട് നാലിന് ചെങ്ങന്നൂര്‍ ഇടനാട് ശാലോം മാര്‍ത്തോമ പള്ളിയില്‍ .

അന്തരിച്ചു-കോഴിക്കോട് ദേവഗിരി കോളേജ് അധ്യാപകനായിരുന്ന പ്രൊഫസ‍ർ പി സി അഗസ്റ്റിൻ(71)അന്തരിച്ചു; സ്പോർട്സ് കൗൺസിൽ ട്രഷററായിരുന്നു .

ദേശീയ വാര്‍ത്തകള്‍-

പെട്രോൾ വില കുറഞ്ഞു-പെട്രോൾ വില ലിറ്ററിന് 1 രൂപ ഒൻപത് പൈസ കുറഞ്ഞു; ഡീസലിന് 50 പൈസ കൂടി; വൻകിട ഉപഭോക്താക്കൾക്കുള്ള ഡീസൽ വില 75 പൈസ കുറഞ്ഞു .

പാചകവാതകത്തിനും വില കുറഞ്ഞു-വ്യാവസായിക ആവശ്യങ്ങൾക്കുള്ള ഗ്യാസ് സിലിണ്ടറിന് 4 രൂപ കുറഞ്ഞു; ഗാര്‍ഹിക ഉപഭോക്താക്കൾക്കുള്ള സബ്സിഡിയില്ലാത്ത ഗ്യാസ് സിലിണ്ടറിന് രണ്ടര രൂപയും കുറഞ്ഞു .

റിപ്പോർട്ട് നൽകി-സിവിൽസർവീസ് അഭിരുചിപ്പരീക്ഷ: സർക്കാർ നിയോഗിച്ച് അരവിന്ദ് വർമ കമ്മിറ്റി റിപ്പോർട്ട് നൽകി; റിപ്പോർട്ടിന്റെ അടിസ്ഥാനത്തിൽ നാളെ സർക്കാർ പാർലമെന്റിൽ നിലപാട് വ്യക്തമാക്കിയേക്കും .

പുതിയ നിർദ്ദേശങ്ങളുമായി രാഹുൽ-യൂത്ത് കോൺഗ്രസ്സിൽ രാഹുൽ പരിഷ്ക്കാരങ്ങളിൽ മാറ്റം; ഭാരവാഹികളുടെ പ്രവർത്തന കാലയളവ് 3 വർഷമാക്കും; സംഘടനാ തെരഞ്ഞെടുപ്പ് നേതൃനിരയിൽ മാത്രം മതിയെന്നും അഭിപ്രായം; ദില്ലിയിൽ നടക്കുന്ന സംസ്ഥാന അധ്യക്ഷന്മാരുടേയും ദേശീയ ഭാരവാഹികളുടേയും യോഗത്തിലാണ് തീരുമാനം .

പാർലമെന്റിൽ പ്രതിപക്ഷ ബഹളം-ടെലിഫോൺ ചോർത്തലും രഹസ്യ നിരീക്ഷണവും ചർച്ച ചെയ്യണമെന്നാവശ്യപ്പെട്ട് പാർലമെന്റിൽ പ്രതിപക്ഷ ബഹളം .

സോണിയ ഗാന്ധിയുടെ മറുപടി-നട്‌വർ സിംഗിന്റെ പരാമർശത്തിന് സോണിയയുടെ മറുപടി; നട്‌വർ സിംഗിന്റെ ആരോപണങ്ങൾ ഗൗരവമായി കാണുന്നുവെന്ന് സോണിയ; സത്യം പുറത്തുകൊണ്ടുവരാനായി താൻ ഒരു പുസ്തകമെഴുതുമെന്നും സോണിയ .

സമവായത്തിന് ശ്രമം-ഇൻഷൂറൻസ് നിയമഭേദഗതിയിൽ സമവായമുണ്ടാക്കാൻ സർക്കാർ ശ്രമം; കേന്ദ്രമന്ത്രി വെങ്കയ്യ നായിഡു കോൺഗ്രസ് നേതാക്കളുമായി ചർച്ച നടത്തി .

താമസാനുമതി റദ്ദാക്കി-എഴുത്തുകാരി തസ്ലീമ നസ്രിന്റെ ഇന്ത്യയിലെ താമസാനുമതി സര്‍ക്കാര്‍ റദ്ദാക്കി .

അന്വേഷിക്കും-2006ൽ മീററ്റിലുണ്ടായ തീപിടിത്തത്തിൽ 60 പേർ മരിച്ച സംഭവത്തെകുറിച്ച് അന്വേഷിക്കാൻ മുൻ ജഡ്ജി എസ് ബി സിൻഹയെ സുപ്രീംകോടതി നിയമിച്ചു .

കരസേനക്ക് പുതിയ മേധാവി-ദൽബീർ സിംഗ് സുഹാഗിന് ബിക്രം സിംഗ് കരസേനാ മേധാവിയുടെ ചുമതല കൈമാറി . ലോകത്തെ ഏറ്റവും മികച്ച സൈന്യങ്ങളിലൊന്നിനെയാണ് നയിച്ചിരുന്നതെന്ന് ബിക്രം സിംഗ് .

ഉത്തരാഖണ്ഡിൽ മേഘവിസ്ഫോടനം-ഉത്തരാഖണ്ഡിലെ തെഹരിയിൽ മേഘവിസ്ഫോടനത്തെ തുടര്‍ന്ന് 6 പേര്‍ മരിച്ചു .

പൂനെ മണ്ണിടിച്ചില്‍-പൂനെയിൽ മണ്ണിടിച്ചിലില്‍ മരണം 27 ആയി; 200 പേർ കുടുങ്ങിയെന്ന് ആശങ്ക; രക്ഷാപ്രവർത്തനം തുടരുന്നു .

സഹായധനം പ്രഖ്യാപിച്ചു-മഹാരാഷ്ട്രയിലെ പൂനെയിൽ മണ്ണിടിച്ചിലിൽ മരിച്ചവരുടെ കുടുംബങ്ങൾക്ക് അടിയന്തര ധനസഹായമായി 2 ലക്ഷം രൂപ നൽകുമെന്ന് കേന്ദ്ര ആഭ്യന്തരമന്ത്രി രാജ്നാഥ് സിങ് .

കോമൺവെൽത്ത് ഗെയിംസ് വാർത്തകൾ-വനിതകളുടെ 800 മീറ്റർ സെമിയിൽ ടിന്റുലൂക്ക ഇന്നിറങ്ങും; ഇന്ത്യൻ സമയം രാത്രി 11.20നാണ് സെമി ഫൈനൽ . ഡിസ്കസ് ത്രോ ഫൈനൽ മത്സരം ഇന്ന് നടക്കും; ഇന്ത്യൻ പ്രതീക്ഷകൾ വികാസ് ഗൗഡയിൽ; രാത്രിയാണ് മത്സരം .

ഇന്ത്യ മുന്നേറുന്നു-65 കിലോ ഫ്രീസ്റ്റൈൽ ഗുസ്തിയിൽ യോഗേശ്വർ ദത്തിന് സ്വർണ്ണം . വനിതകളുടെ 55 കിലോ ഫ്രീസ്റ്റൈൽ ഗുസ്തിയിൽ ഇന്ത്യയുടെ ബബിത കുമാരിക്ക് സ്വർണ്ണം ; ഫൈനലിൽ കാനഡയുടെ ബ്രിട്ടാനി ലാവർസ്യൂറിനെയാണ് ബബിത തോൽപ്പിച്ചത്; ഗ്ലാസ്ഗോ ഗെയിംസിൽ ഇന്ത്യയുടെ പതിനൊന്നാം സ്വർണ്ണമാണിത് . വനിതാ വിഭാഗം ആർട്ടിസ്റ്റിക് ജിംനാസ്റ്റിക്സിൽ ദീപ കരംകാറിന് വെങ്കലം .

മെഡൽ പട്ടിക -34 സ്വർണ്ണവും 34 വെള്ളിയും 29 വെങ്കലവുമായി ഇംഗ്ലണ്ട് ഒന്നാമത്; ഓസ്ട്രേലിയ രണ്ടാമത്; കാനഡ മൂന്നാം സ്ഥാനത്ത്; 10 സ്വർണ്ണവും 19 വെള്ളിയും 12 വെങ്കലവുമുള്ള ഇന്ത്യ മെഡൽപ്പട്ടികയിൽ ആറാം സ്ഥാനത്താണ് .

ഇന്ത്യക്ക് തോൽവി-സതാംപ്ടൺ ക്രിക്കറ്റ് ടെസ്റ്റിൽ ഇന്ത്യക്ക് തോൽവി; 266 റൺസിനാണ് ഇന്ത്യയെ ഇംഗ്ലണ്ട് തോൽപ്പിച്ചത് .

വിദേശവാര്‍ത്തകള്‍-

ഗാസയില്‍ ആക്രമണം രൂക്ഷം-ഗാസയില്‍ ഇസ്രായേല്‍ നടത്തിയ ബോംബാക്രമണത്തില്‍ ഇന്ന് 104 പേര്‍ മരിച്ചു; സ്കൂളില്‍ പ്രവര്‍ത്തിക്കുന്ന ഐക്യരാഷ്ട്രസഭയുടെ അഭയാര്‍ഥി ക്യാന്പില്‍ വീണ്ടും ബോംബാക്രമണം .

പരാതികൾ അറിയിക്കാം-ഏഷ്യാനെറ്റ് ന്യൂസ് സംപ്രേഷണം ചെയ്യുന്ന പരിപാടികളെ കുറിച്ച് പരാതികളുണ്ടെങ്കിൽ http://www.nbanewdelhi.com എന്ന വെബ്സൈറ്റിൽ പരാതിപ്പെടാം . ആൻഡമാൻ ദ്വീപുകളിലും മ്യാൻമറിലും ഭൂചലനം; റിക്ടർസ്കെയിലിൽ 6.2 തീവ്രത രേഖപ്പെടുത്തി .

കെറി-സുഷമസ്വരാജ് സംയുക്തവാർത്താസമ്മേളനം-ബിജെപി നേതാക്കളുടെ ഫോൺ ചോർത്തിയ സംഭവത്തിലുളള പ്രതിഷേധം വിദേശകാര്യമന്ത്രി സുഷമസ്വരാജ് ജോൺ കെറിയെ അറിയിച്ചു . ഐക്യരാഷ്ട്രസഭാരക്ഷാസമിതിയിൽ സ്ഥിരാംഗത്വം വേണമെന്ന ഇന്ത്യയുടെ ആവശ്യത്തിന് അമേരിക്ക പിന്തുണ അറിയിച്ചു .

Now you are viewing stories from old website

Subscribe to our rss feed

Follow us on Facebook and twitter

Subscribe our youtube channel

Get Latest News in your e-mail Inbox!