21-Apr-2014 Monday
img

കേരള വാർത്തകൾ-

ബാർ ലൈസൻസ് പുതുക്കൽ-ബാർ ലൈസൻസുകൾ പുതുക്കുന്ന കാര്യത്തിൽ സർക്കാർ തീരുമാനം ഇന്നറിയാം; കെപിസിസി - സര്‍ക്കാര്‍ ഏകോപനസമിതി ഇന്ന് ചേരും .

നേതൃയോഗങ്ങൾ-മുസ്ലീം ലീഗിന്‍റെ സംസ്ഥാന നേതൃയോഗം ഇന്ന്; തെരഞ്ഞെടുപ്പ് അവലോകനം പ്രധാന അജണ്ട; പൊന്നാനിയില്‍ പോളിങ്ങ് കുറഞ്ഞത് ചർച്ചയാകും . ലയനം തീരുമാനിക്കാൻ ആർഎസ്പി സംസ്ഥാനസെക്രട്ടേറിയേറ്റും സംസ്ഥാന സമിതിയും ഇന്ന്; തെരഞ്ഞെടുപ്പ് അവലോകനവും ചർച്ചയിൽ .

എഞ്ചിനീയറിംഗ് പ്രവേശനപരീക്ഷ ഇന്ന്-കേരള മെഡിക്കൽ - എഞ്ചിനീയറിംഗ് പ്രവേശന പരീക്ഷ ഇന്ന് തുടങ്ങും; ഒരു ലക്ഷത്തി നാൽപത്തി എണ്ണായിരം വിദ്യാർത്ഥികളാണ് ഇക്കുറി പരീക്ഷ എഴുതുന്നത് .

യുവതിയെ കുത്തിക്കൊന്നു-ഇടുക്കി കുമളിയിൽ ബസ് സ്റ്റാന്റിൽ യുവാവ് യുവതിയെ കുത്തിക്കൊലപ്പെടുത്തി; തമിഴ്നാട് ബോഡി സ്വദേശി അന്നലക്ഷ്മിയാണ് മരിച്ചത്; ഒപ്പം താമസിച്ചിരുന്ന മണികണ്ഠൻ പൊലീസ് കസ്റ്റഡിയിൽ .

വാഹനാപകടം-മാവേലിക്കര പല്ലാരിമംഗലത്ത് സിമെന്റ് കയറ്റിവന്ന ലോറി മറിഞ്ഞ് സൈക്കിൾ യാത്രക്കാരൻ മരിച്ചു; ബുധനൂർ സ്വദേശി രാമചന്ദ്രൻ(66)ആണ് മരിച്ചത് .

ദേശീയവാർത്തകൾ-

തേജ്പാലിന്റെ ജാമ്യാപേക്ഷ ഇന്ന്-ലൈംഗികപീഡന ആരോപണക്കേസിൽ അറസ്റ്റിലായ തെഹൽക മുൻ എഡിറ്റർ തരുൺ തേജ്പാലിന്റെ ജാമ്യാപേക്ഷ ഇന്ന് സുപ്രീംകോടതി പരിഗണിക്കും .

വിദേശവാർത്തകൾ-

വീണ്ടും ആക്രമണം-സമാധാന കരാർ ലംഘിച്ച് കിഴക്കൻ യുക്രൈനിൽ ചെക്പോസ്റ്റിന് നേരെ ആക്രമണം; ആക്രമണത്തിന് പുറകിൽ യുക്രൈനെന്ന് റഷ്യ; ആരോപണം നിഷേധിച്ച് യുക്രൈൻ; ഉപരോധം ശക്തിപ്പെടുത്തേണ്ടിവരുമെന്ന് അമേരിക്ക .

ഗാബോയ്ക്ക് വിട-വിഖ്യാതസാഹിത്യകാരൻ ഗബ്രിയൽ ഗാർസ്യ മാർകേസിന്റെ സംസ്കാരച്ചടങ്ങുകൾ മെക്സിക്കോ സിറ്റിയിൽ നടന്നു; മാർകേസിന് ജന്മനാടായ കൊളംബിയ നാളെ ആദരമർപ്പിക്കുന്ന ചടങ്ങ് നാളെ നടക്കും .

കായികവാർത്തകൾ-

കിങ്സ് ഇലവന് വിജയം-ഐപിഎല്ലിൽ രാജസ്ഥാൻ റോയൽസിനെതിരെ കിംഗ്സ് ഇലവൻ പഞ്ചാബിന് ഉജ്ജ്വല വിജയം; മില്ലറിനും മാക്സ്‍വെല്ലിനും അർദ്ധസെഞ്ച്വറി . ഇന്ന് ചെന്നൈ സൂപ്പ‍ർ കിംഗ്സ് ഡെൽഹി ഡെയർഡെവിൾസിനെ നേരിടും .

യുണൈറ്റഡിന് തോൽവി-ഇംഗ്ലീഷ് പ്രീമിയർ ലീഗ് ഫുട്ബോളിൽ മാഞ്ചസ്റ്റർ യുണൈറ്റഡിനെ എട്ടവർട്ടൺ എതിരില്ലാത്ത രണ്ടുഗോളിന് തോൽപ്പിച്ചു; ഹൾസിറ്റിയെ ആഴ്സണൽ എതിരില്ലാത്ത മൂന്നുഗോളിന് തകർത്തു; പൊഡോൾസ്കിക്ക് ഇരട്ടഗോൾ .

ബാഴ്സലോണയ്ക്ക് ജയം-സ്പാനിഷ് ലീഗിൽ അത്‍ലറ്റിക്ക് ബിൽബാവോയെ 2-1ന് ബാഴ്സലോണ തോൽപ്പിച്ചു .

പാസ് വിതരണം തുടങ്ങി-ഏഷ്യാനെറ്റ് ന്യൂസും കോഴിക്കോട് കോര്‍പറേഷനും ചേര്‍ന്ന് ഈ മാസം 24ന് കോഴിക്കോട് ടാഗോർ സെന്റിനറി ഹാളിൽ സംഘടിപ്പിക്കുന്ന 'പ്രിയപ്പെട്ട എംടി' എന്ന പരിപാടിക്കുള്ള പാസുകള്‍ ഏഷ്യാനെറ്റ് ന്യൂസിന്‍റെ കോഴിക്കോട് പി ടി ഉഷ റോഡിലെ ഓഫീസില്‍ നിന്ന് ലഭിക്കും .

പരാതികൾ അറിയിക്കാം-ഏഷ്യാനെറ്റ് ന്യൂസിൽ സംപ്രേഷണം ചെയ്യുന്ന വാർത്തകളെയും പരിപാടികളെയും കുറിച്ച് നിങ്ങൾക്ക് പരാതികളോ ആക്ഷേപങ്ങളോ ഉണ്ടെങ്കിൽ ന്യൂസ് ബ്രോഡ്കാസ്റ്റിംഗ് അസോസിയേഷനെ അറിയിക്കാം; സന്ദർശിക്കുക http://www.nbanewdelhi.com .

JUST IN-

Now you are viewing stories from old website

Subscribe to our rss feed

Follow us on Facebook and twitter

Subscribe our youtube channel

Get Latest News in your e-mail Inbox!