26-Jul-2014 Saturday

BREAKING NEWS ഫസൽ ഗഫൂർ മുഖ്യമന്ത്രിക്ക് പരാതി നൽകി-പ്ലസ് ടു കോഴ: ഫസൽ ഗഫൂർ മുഖ്യമന്ത്രിക്ക് പരാതി നൽകി . പ്ലസ് ടു അനുവദിച്ചത് മാനദണ്ഡങ്ങൾ ലംഘിച്ചെന്ന് പരാതി . അധ്യാപകനിയമനത്തിലെ അവ്യക്തതകൾ പരിഹരിക്കണമെന്നാവശ്യം . ഏകജാലക സംവിധാനം അട്ടിമറിക്കപ്പെടാതെ ശ്രദ്ധിക്കണമെന്നും ഫസൽ ഗഫൂ‍ർ . പ്ലസ് ടുവിന് കോഴ ആവശ്യപ്പെട്ടെന്ന് ഫസൽ ഗഫൂ‍ർ വെളിപ്പെടുത്തിയിരുന്നു . നിലപാടിലുറച്ചു നിൽക്കുന്നതായി ഫസൽ ഗഫൂർ ഏഷ്യാനെറ്റ് ന്യൂസിനോട് .

BREAKING NEWS ഉടൻ കോടതിയിലേക്കില്ലെന്ന് MES-മുഖ്യമന്ത്രിക്ക് നേരിട്ട് പരാതി നൽകിയതിനാൽ നിയമനടപടിക്കില്ല .

BREAKING NEWS പ്ലസ് ടു കോഴക്കെതിരെ പരാതി-

FLASH NEWS ഏകദിനം കൊച്ചിയിൽ -ഇന്ത്യ-വിൻഡീസ് ഏകദിന പരന്പരയിലെ ഒരു മത്സരത്തിന് കൊച്ചി വേദിയാകും . ഒക്ടോബർ-നവംബർ മാസങ്ങളിലാണ് പരന്പര .

FLASH NEWS നേതാക്കൾക്കെതിരെ നടപടി വേണമെന്ന് പിണറായി -

FLASH NEWS MLA ഹോസ്റ്റലിൽ നടന്നത് ഞെട്ടിപ്പിക്കുന്ന കാര്യങ്ങൾ-കോൺഗ്രസ് നേതാക്കൾക്കെതിരെ ഉന്നതതല അന്വേഷണം വേണം . കൂടുതൽ പ്ലസ് ടു ബാച്ചുകൾ അനുവദിച്ചത് യാഥാർത്ഥ്യം തിരിച്ചറിഞ്ഞെന്ന് മുഖ്യമന്ത്രി . സിപിഎമ്മിന് കുട്ടികളുടെ ഭാവിയെക്കുറിച്ച് ആലോചനയില്ലെന്നും മുഖ്യമന്ത്രി .

FLASH NEWS തീരുമാനം യാഥാർത്ഥ്യം തിരിച്ചറിഞ്ഞ് -ക്രമക്കേട് കണ്ടെത്തിയാൽ ക്രിമിനൽ നടപടി സ്വീകരിക്കും . സംസ്ഥാനത്തെ എല്ലാ സ്കൂളുകളിലും വീണ്ടും പരിശോധന നടത്തുമെന്ന് DPI .

FLASH NEWS വീണ്ടും പരിശോധന നടത്തുമെന്ന് DPI-

കേരള വാർത്തകൾ-

JUST IN-കോഴിക്കോട് റെയിൽവെ സ്റ്റേഷനിൽ രണ്ടര കിലോ സ്വർണവുമായി വന്ന രണ്ട് പേരെ പൊലീസ് തടഞ്ഞുവച്ചു; സ്വർണം അനധികൃതമായി കടത്താൻ ശ്രമിച്ചതാണോയെന്ന സംശയത്തെ തുടർന്നാണാണ് പൊലീസ് നടപടി . കാറ്റാടിപ്പാടം നിർമ്മിച്ച് നൽകാമെന്ന് പറഞ്ഞ് 50 ലക്ഷം രൂപ തട്ടിച്ച കേസിൽ സരിത എസ് നായരെ അറസ്റ്റ് ചെയ്ത് ഹാജരാക്കാൻ ഇടുക്കി ജില്ലാ ഉപഭോക്തൃ കോടതി ഉത്തരവിട്ടു; രാജാക്കാട് സ്വദേശി ജിമ്മി നൽകിയ പരാതിയിലാണ് കോടതി ഉത്തരവ് .

സരിതക്കെതിരെ കോടതിയുടെ അറസ്റ്റ് വാറണ്ട്-

നടപടി തുടങ്ങി-എംഎൽഎ ഹോസ്റ്റലിലെ അനധികൃത താമസക്കാരെ ഒഴിപ്പിച്ചെടുക്കാൻ നിയമസഭാ സെക്രട്ടറി നടപടി തുടങ്ങി . നിയമസഭാ സെക്രട്ടറി ശാര്‍ങ്ഗധരന്‍ എംഎല്‍എ.ഹോസ്റ്റലില്‍ പരിശോധന നടത്തി . കൊച്ചി ബ്ലാക്മെയിലിംഗ് കേസിലെ പ്രതി എംഎൽഎ ഹോസ്റ്റലിൽ ഒളിവിൽ താമസിച്ച സാഹചര്യത്തിലാണ് നടപടി . സ്പീക്കർ ബുധനാഴ്ച രാവിലെ 11.30 ന് കക്ഷിനേതാക്കളുടെ യോഗം വിളിച്ചു; ഹോസ്റ്റൽ ചട്ടങ്ങൾ പരിഷ്കരിക്കുന്നത് ചർച്ചയാകും; മുഖ്യമന്ത്രിയും പ്രതിപക്ഷ നേതാവും പങ്കെടുക്കും .

നേതാക്കൾക്കെതിരെ നടപടി വേണമെന്ന് പിണറായി -MLA ഹോസ്റ്റലിൽ നടന്നത് ഞെട്ടിപ്പിക്കുന്ന കാര്യങ്ങൾ; കോൺഗ്രസ് നേതാക്കൾക്കെതിരെ ഉന്നതതല അന്വേഷണം വേണമെന്നും പിണറായി .

ഉന്നതരെ ലക്ഷ്യമിട്ടിരുന്നെന്ന് ജയചന്ദ്രൻ-കൊച്ചി ബ്ലാക്മെയിലിംഗ് സംഘം ഉന്നതരെ ലക്ഷ്യമിട്ടിരുന്നതായി സൂചന . പ്രമുഖ ജ്വല്ലറി ഉടമ മുതൽ രാഷ്ട്രീയ നേതാക്കൾ വരെയുള്ള ഉന്നതരുടെ പട്ടിക തയ്യാറാക്കിയിരുന്നെന്ന് ജയചന്ദ്രൻ പൊലീസിനോട് സമ്മതിച്ചു . തെളിവുകളായി പിടിച്ചെടുത്ത ലാപ്ടോപ്പിലെയും മൊബൈൽ ഫോണിലെയും വിവരങ്ങൾ പൊലീസ് പരിശോധിക്കുന്നു . കിടപ്പറ ദൃശ്യങ്ങൾ പുറത്തു വിടുമെന്ന് ഭീഷണിപ്പെടുത്തി ബിന്ധ്യയും റുക്സാനയും 3 കോടി രൂപ ആവശ്യപ്പെട്ടെന്ന് പരാതിക്കാരൻ സജികുമാർ; സജികുമാറിന്റെ മൊഴിയുടെ പകർപ്പ് ഏഷ്യാനെറ്റ് ന്യൂസിന് . കേസിൽ കൂടുതൽ പേരെ ചോദ്യംചെയ്യാൻ സാധ്യത .

ഇന്ന് കർക്കിടക വാവ്-പിതൃപുണ്യം തേടി ലക്ഷങ്ങൾ കർക്കിടക വാവ് ബലിയിടുന്നു . ക്ഷേത്രങ്ങളിലും വിവിധ ബലിത്തറകളിലും പുലർച്ചെ മൂന്ന് മണിമുതൽ ചടങ്ങുകൾ തുടങ്ങി .

"സംസ്ഥാനതാത്പര്യം സംരക്ഷിക്കും'-മൂന്നാർ കയ്യേറ്റത്തെക്കുറിച്ചുള്ള വിധി പഠിച്ച ശേഷം തുടർ നടപടിയെടുക്കുമെന്ന് മുഖ്യമന്ത്രി . സംസ്ഥാനത്തിന്‍റെ താത്പര്യങ്ങൾ സംരക്ഷിക്കാനുള്ള എല്ലാ നടപടിയും സ്വീകരിക്കും . മൂന്നാർ ഓപ്പറേഷനിൽ തെറ്റുപറ്റിയതായി ബോധ്യപ്പെട്ടാൽ തിരുത്തുമെന്നും മുഖ്യമന്ത്രി .

പുനഃസംഘടനാ സാധ്യത മങ്ങുന്നു-സംസ്ഥാനത്ത് മന്ത്രിസഭാ പുനഃസംഘടനയ്ക്കുള്ള സാധ്യത മങ്ങുന്നു . ചില്ലറ അഴിച്ചുപണിയില്‍ മാത്രമായി പുനഃസംഘടന ഒതുങ്ങുമെന്ന് സൂചന .

സിപിഎം സംസ്ഥാന സമിതി-രണ്ട് ദിവസത്തെ സിപിഎം സംസ്ഥാന സമിതി യോഗം തിരുവനന്തപുരത്ത് ചേരുന്നു . പാര്‍ട്ടി സംസ്ഥാന സെക്രട്ടറിയേറ്റ് യോഗത്തിൽ അവതരിപ്പിച്ച വിദ്യാര്‍ത്ഥി രേഖ, ട്രേഡ് യൂണിയൻ രേഖ, മഹിള പ്രവര്‍ത്തന രേഖ എന്നിവയുടെ ചര്‍ച്ചയാണ് പ്രധാന അജണ്ട .

എംഇഎസിന്‍റെ കോഴ ആരോപണം-പ്ലസ് ടു ബാച്ചിന് ഭരണകക്ഷിയിലെ ഉന്നതർ കോഴ ആവശ്യപ്പെട്ടെന്ന എംഇഎസിന്റെ ആരോപണം പരിശോധിക്കുമെന്ന് മുഖ്യമന്ത്രി ഉമ്മൻ ചാണ്ടി . ഫസൽ ഗഫൂറിന്‍റെ ആരോപണം തെറ്റിദ്ധാരണ കൊണ്ടെന്നും മുഖ്യമന്ത്രി .

ഉമ്മൻചാണ്ടിക്ക് എംഇഎസിന്റെ മറുപടി-പ്ലസ് ടു പട്ടികയിൽ ക്രമക്കേടുണ്ടെങ്കിൽ മുഖ്യമന്ത്രിയാണ് ഉത്തരവാദിയെന്ന് എംഇഎസ്; ആരോപണത്തിൽ ഉറച്ചുനിൽക്കുന്നു; ആത്മാർത്ഥതയുണ്ടെങ്കിൽ സർക്കാർ പട്ടിക പുനഃപരിശോധിക്കണമെന്നും ഫസൽ ഗഫൂർ . മുഖ്യമന്ത്രി ഉമ്മൻചാണ്ടി എംഇഎസ് പ്രസിഡന്റ് ഫസൽ ഗഫൂറുമായി കൂടിക്കാഴ്ച നടത്തി .

സപ്ലൈകോ കരാറുകൾ ഉയർന്ന വിലയ്ക്ക്-സപ്ലൈകോയിൽ ഉല്‍പന്നങ്ങള്‍ വാങ്ങാന്‍ കൂടിയ നിരക്കില്‍ കരാര്‍ നല്‍കിയതിന്‍റെ തെളിവുകള്‍ പുറത്തുവന്നു . വിതരണക്കാരും ഉദ്യോഗസ്ഥരും ഉയര്‍ന്നവിലക്ക് സപ്ലൈകോ കരാറുകൾ ഉറപ്പിക്കുന്നതായി ആരോപണമുണ്ടായിരുന്നു . കരാര്‍ നേടിയ സ്വകാര്യ സ്ഥാപനങ്ങള്‍ വളരെ കുറഞ്ഞവിലയ്ക്ക് അന്യസംസ്ഥാനങ്ങളില്‍ നിന്ന് ചരക്ക് വാങ്ങിയതിന്‍റെ രേഖകളാണ് ഏഷ്യാനെറ്റ് ന്യൂസിന് കിട്ടിയത് .

കള്ളനോട്ട് നിർമ്മാണ സംഘത്തെ പിടികൂടി-20000 രൂപയുടെ കള്ളനോട്ടും നോട്ട് നിർമ്മിക്കാനുള്ള ഉപകരണങ്ങളും പിടിച്ചെടുത്തു . നെടുങ്കണ്ടം, മുരിക്കാശ്ശേരി, മുണ്ടക്കയം എന്നിവിടങ്ങളിൽ നിന്നുള്ളവരാണ് പിടിയിലായത് .

തിങ്കളാഴ്ച അവധി-ഈ മാസം 28ന് കൊച്ചിൻ പോർട്ട് ട്രസ്റ്റിന് അവധിയായിരിക്കുമെന്ന് അധികൃതർ അറിയിച്ചു .

മരിച്ചവരിൽ മലയാളിയും-യുപിയിൽ വ്യോമസേനയുടെ ഹെലികോപ്റ്റർ തകർന്നുണ്ടായ അപകടത്തിൽ മരിച്ചവരിൽ മലയാളിയും; കോട്ടയം പിതൃകുന്നം സ്വദേശി സ്ക്വാഡ്രൺ ലീഡർ മനു ആണ് മരിച്ചത് .

ഏഷ്യാനെറ്റ് ന്യൂസ് ഇംപാക്ട്-കാസർകോട് ചട്ടൻചാലിയിൽ കാലാവസ്ഥ കെടുതിയിൽ വീട് നഷ്ടപ്പെട്ട ആദിവാസി വിദ്യാർത്ഥിനിയുടെ കുടുംബത്തിന് ദുരിതാശ്വാസ സഹായം അനുവദിക്കുമെന്ന് കാസർകോട് എഡിഎം എച്ച് ദിനേശൻ അറിയിച്ചു; വില്ലേജ് ഓഫീസറോട് വിശദമായ റിപ്പോർട്ട് ആവശ്യപ്പെട്ടിട്ടുണ്ടെന്നും എഡിഎം അറിയിച്ചു .

കയാക്കിംഗ് അക്കാദമി തുടങ്ങും-കോഴിക്കോട് കോടഞ്ചേരിയിൽ കയാക്കിംഗ് അക്കാദമി തുടങ്ങുമെന്ന് മുഖ്യമന്ത്രി അറിയിച്ചു . ടൂറിസം വകുപ്പിന് കീഴിലായിരിക്കും അക്കാദമി പ്രവർത്തിക്കുക .

അപകടത്തിൽ മരിച്ചു-എസ്എഫ്ഐ പാലക്കാട് മുൻ ജില്ലാ ജോയിന്‍റ് സെക്രട്ടറി ദീപക് രാമച്രന്ദൻ ബൈക്ക് അപകടത്തിൽ മരിച്ചു . കുന്നംകുളത്തിനടുത്തായിരുന്നു അപകടം; പാലക്കാട് പെരിങ്ങോട് സ്വദേശിയാണ് .

മുങ്ങിമരിച്ചു-തിരുവനന്തപുരം കരമനയാറ്റിൽ കുളിക്കാനിറങ്ങിയയാൾ മുങ്ങിമരിച്ചു; വാഴോട്ടുകോണം സ്വദേശി അനീഷാണ് മരിച്ചത് .

അന്തരിച്ചു-കേരള പുലയര്‍മഹാസഭ സംസ്ഥാന സെക്രട്ടേറിയറ്റ് അംഗം പാച്ചിറ സുഗതൻ (65) അന്തരിച്ചു . സംസ്ക്കാരം വൈകുന്നേരം 5 മണിക്ക് പള്ളിപ്പുറം പാച്ചിറയിലെ വീട്ടുവളപ്പിൽ .

ദേശീയ വാർത്തകൾ-

അതിർത്തിയിൽ വീണ്ടും വെടിവയ്പ്-ഇന്ത്യൻ സൈന്യത്തിന് നേരെ പാക് സൈന്യം വെടിവെച്ചു . പന്നൻവാല മേഖലയിലാണ് രാവിലെ വെടിവയ്പ് ഉണ്ടായത് .

സൈനികർക്ക് ആദരമർപ്പിച്ചു-കാർഗിൽ ദിനത്തിൽ അമർജവാൻ ജ്യോതിയിൽ അരുൺ ജെയ്റ്റ്‍ലി സൈനികർക്ക് ആദരമർപ്പിച്ചു . എന്ത് വെല്ലുവിളിയും നേരിടാൻ സൈന്യം പൂർണസജ്ജമെന്ന് പ്രതിരോധമന്ത്രി അരുൺ ജെയ്റ്റ്‍ലി . ദേശീയ യുദ്ധസ്മാരകവുമായി ബന്ധപ്പെട്ട പ്രവർത്തനങ്ങൾ ഉടൻ തുടങ്ങുമെന്നും ജെയ്റ്റ്‍ലി .

പൊലീസുകാരൻ മരിച്ചു-ജമ്മുകശ്മീരിലെ സൊപോറിൽ തീവ്രവാദി ആക്രമണത്തിൽ ഒരു പൊലീസുകാരൻ മരിച്ചു; നാലുപേർക്ക് പരിക്കേറ്റു .

കർഫ്യു പ്രഖ്യാപിച്ചു-രണ്ട് വിഭാഗങ്ങൾ തമ്മിലുണ്ടായ സംഘർഷത്തെത്തുടർന്ന് ഉത്തർപ്രദേശിലെ സൊറാൻപുരിൽ കർഫ്യു പ്രഖ്യാപിച്ചു .

കോൺഗ്രസ് നേതാക്കളെ പൊലീസ് തടഞ്ഞു-യുപിയിലെ മൊറാദാബാദിൽ നിരോധനാജ്ഞ ലംഘിച്ച് മാര്‍ച്ച് നടത്തിയ കോൺഗ്രസ് നേതാക്കളെ പൊലീസ് തടഞ്ഞു . മധുസൂദനൻ മിസ്ത്രിയടക്കമുള്ള നേതാക്കൾ കസ്റ്റഡിയിൽ .

വിദേശ വാർത്തകൾ-

ഗാസയിൽ വെടിനിർത്തൽ-ഗാസയിൽ 12 മണിക്കൂർ വെടിനിർത്തൽ ഹമാസും ഇസ്രായേലും അംഗീകരിച്ചു . ഇടക്കാല കരാറിനായുള്ള ശ്രമങ്ങൾ തുടരുന്നു . പ്രശ്നപരിഹാരത്തിനായി പാശ്ചാത്യരാജ്യങ്ങളുടെ വിദേശകാര്യമന്ത്രിമാർ ഫ്രാൻസിൽ ഇന്ന് യോഗം ചേരും .

പരാതികൾ അറിയിക്കാം-ഏഷ്യാനെറ്റ് ന്യൂസിൽ സംപ്രേഷണം ചെയ്യുന്ന പരിപാടികളെയും വാർത്തകളെയും കുറിച്ച് നിങ്ങൾക്ക് പരാതിയോ ആക്ഷേപമോ ഉണ്ടെങ്കിൽ അറിയിക്കുക : http://www.nbanewdelhi.com .

Now you are viewing stories from old website

Subscribe to our rss feed

Follow us on Facebook and twitter

Subscribe our youtube channel

Get Latest News in your e-mail Inbox!