മൂന്നു സംസ്ഥാനങ്ങളില്‍ ഫെബ്രുവരിയില്‍ തെരഞ്ഞെടുപ്പ്

മൂന്നു വടക്കു-കിഴക്കന്‍ സംസ്ഥാനങ്ങളിലെ നിയമസഭാ തെരഞ്ഞെടുപ്പ് ഫെബ്രുവരിയില്‍ നടക്കും. ത്രിപുര, മേഘാലയ നാഗാ

ദില്ലി: മൂന്നു വടക്കു-കിഴക്കന്‍ സംസ്ഥാനങ്ങളിലെ നിയമസഭാ തെരഞ്ഞെടുപ്പ് ഫെബ്രുവരിയില്‍ നടക്കും. ത്രിപുര, മേഘാലയ നാഗാലാന്‍റ് എന്നീ സംസ്ഥാനങ്ങളിലെ തെരഞ്ഞെടുപ്പ് തീയതിയാണ് പ്രഖ്യാപിച്ചത്. ത്രിപുരയില്‍ ഫെബ്രുവരി 14നും, മേഘാലയിലും നാഗാലാന്‍ഡിലും ഫെബ്രുവരി 23നുമാണ് വോട്ടെടുപ്പ്. മൂന്ന് സംസ്ഥാനങ്ങളിലെയും വോട്ടെണ്ണല്‍ ഫെബ്രുവരി 28ന് നടക്കും. മൂന്നു സംസ്ഥാനങ്ങളിലെയും അറുപത് വീതം മണ്ഡലങ്ങളിലേക്കാണ് തെരഞ്ഞെടുപ്പ് നടക്കുന്നത്. രാജ്യത്തെ വിവിധ ഭാഗങ്ങളിലായി ഉപതെരഞ്ഞെടുപ്പ് നടക്കാനുള്ള ഒമ്പതു മണ്ഡലങ്ങളിലും ഇതേ ദിവസങ്ങളില്‍ തെരഞ്ഞെടുപ്പ് നടക്കും. തെരഞ്ഞെടുപ്പ് പെരുമാറ്റചട്ടം നിലവില്‍വന്നതായും മുഖ്യ തെരഞ്ഞെടുപ്പ് കമ്മീഷന്‍ വി എസ് സമ്പത്ത് അറിയിച്ചു. പെരുമാറ്റചട്ടം നിലവിലിരിക്കെ പൊതു ബജറ്റ് പ്രഖ്യാപിക്കുന്നതില്‍ തടസ്സമില്ലെന്നും തെരഞ്ഞെടുപ്പ് കമ്മീഷന്‍ വ്യക്തമാക്കി.