സന്തോഷ് ട്രോഫി: കര്‍ണ്ണാടക ക്വാര്‍ട്ടര്‍ ഫൈനലില്‍

സന്തോഷ് ട്രോഫി പ്രഥമിക ഘട്ടത്തിലെ മത്സരത്തില്‍ കര്‍ണാടക 3-0 ന് ബിഹാറിനെ പരാജയപ്പെടുത്തി.

കൊല്ലം: സന്തോഷ് ട്രോഫി പ്രഥമിക ഘട്ടത്തിലെ മത്സരത്തില്‍ കര്‍ണാടക 3-0 ന് ബിഹാറിനെ പരാജയപ്പെടുത്തി. കര്‍ണാകയ്ക്കുവേണ്ടി രാജേഷ്, സ്റ്റീഫന്‍, അമോസ് എന്നിവര്‍ ഓരോ ഗോള്‍ വീതം നേടി. ഇന്നത്തെ ജയത്തോടെ കര്‍ണാടകം സന്തോഷ് ട്രോഫി ക്വാര്‍ട്ടര്‍ ഫൈനലില്‍ പ്രവേശിച്ചു.

തിങ്കളാഴ്ച ആദ്യ മത്സരത്തില്‍ ഹിമാചല്‍ പ്രദേശ് മൂന്നിനെതിരെ നാല് ഗോളുകള്‍ക്ക് ദാമന്‍ ആന്‍റ് ദ്യൂവിനെ പരാജയപ്പെടുത്തി. ഹിമാചലിനായി വിക്രാന്ത് റാണ രണ്ടും ഗണേഷ് മോഹന്‍, ധീരജ് ശര്‍മ എന്നിവര്‍ ഓരോ ഗോളും നേടി. ദാമന്‍ ആന്‍റ് ദ്യൂവിനായി സച്ചിന്‍ കുമാര്‍ മംഗേള, ധീരജ് പ്രകാശ് മെഹര്‍, രാഹുല്‍ ഭാരത് എന്നിവര്‍ ഗോള്‍ നേടി.