ബോഫാ ചുഴലിക്കാറ്റ്: ഫിലിപ്പീന്‍സില്‍ മരണം 500 കവിഞ്ഞു

ന്യൂബറ്റാന്‍: ദക്ഷിണ ഫിലിപ്പീന്‍സില്‍ കനത്ത നാശം വിതച്ച ബോഫാ ചുഴലിക്കാറ്റില്‍ മരിച്ചവരുടെ എണ്ണം 500 കവിഞ്ഞു. ചൊവ്വാഴ്ചയുണ്ടായ കാറ്റില്‍ കാണാതായവര്‍ക്കായി രക്ഷാപ്രവര്‍ത്തകര്‍ തെരച്ചില്‍ തുടരുകയാണ്.

അവശിഷ്ടങ്ങള്‍ക്കിടെ നടത്തിയ തെരച്ചിലില്‍ ഏതാനും മൃതദേഹങ്ങള്‍ കൂടി കണ്ടെത്തിയതോടെയാണ് മരണസംഖ്യ 500 കടന്നതായി സ്ഥിരീകരിച്ചത്. നാനൂറോളം പേരെ ഇനിയും കാണാനുണ്ടെന്നാണ് റിപ്പോര്‍ട്ടുകള്‍.

3,10000 പേര്‍ക്ക് വീട് നഷ്ടപ്പെട്ടിട്ടുണ്ട്. ഫിലിപ്പീന്‍സ് പ്രസിഡന്റ് ബെനിഗ്നോ അക്വിനോ ദുരന്ത ബാധിത പ്രദേശങ്ങള്‍ സന്ദര്‍ശിച്ചിരുന്നു. ഇത്തരം ദുരന്തങ്ങള്‍ തടയാനുള്ള നടപടികളാണ് സ്വീകരിക്കേണ്ടതെന്ന് അദ്ദേഹം പറഞ്ഞു.