തല്‍സമയ പശ്ചാത്തലസംഗീതത്തോടെ ഹിച്ച് കോക്കിന്‍റെ ദ റിംഗ് കാണാം

തിരുവനന്തപുരം: പതിനേഴാമത് കേരള രാജ്യാന്തര ചലച്ചിത്രമേളയുടെ ഉദ്ഘാടന ചിത്രമായി ഹിച്ച് കോക്കിന്‍റെ നിശബ്ദ സിനിമ ദ റിംഗ് പ്രദര്‍ശിപ്പിക്കും. സിനിമയുടെ കഥാഗതിക്കനുസരിച്ച് പശ്ചാത്തലസംഗീതം തല്‍സമയം അവതരിപ്പിക്കും. ഇതാദ്യമായാണ് ഇന്ത്യയില്‍ ഒരു ഹിച്ച്കോക്ക് ചിത്രം തത്സമയ ശബ്ദത്തോടെ  പ്രദര്‍ശിപ്പിക്കുന്നത്.

ജാസ് സംഗീതജ്ഞന്‍സന്‍ സോവെറ്റൊ കിഞ്ചിന്‍റെ നേതൃത്വത്തിലുള്ള ഒമ്പതംഗ സംഘമാണ് പശ്ചാത്തലസംഗീതം ഒരുക്കുന്നത്. 1927ല്‍ റിലീസ് ചെയ്ത ദ റിംഗ് ഹിച്ച് കോക്കിന്‍റെ ഏറ്റവും മികച്ച നിശബ്ദ ചിത്രമായാണ് അറിയപ്പെടുന്നത്.