25-Jul-2014 Friday

കേരള വാർത്തകൾ-

ഷിജു ജയിൽമോചിതനായി-അബുദബിയിൽ ലഹരിമരുന്ന് കടത്തുകേസിൽ ജയിലിലായിരുന്ന എറണാകുളം കടമക്കുടി സ്വദേശി ഷിജു മോചിതനായി . ജോലി തേടി വിദേശത്തേക്ക് പോയ ഷിജുവിനെ ഒരു സംഘം തെറ്റിദ്ധരിപ്പിച്ച് ലഹരിമരുന്ന് കൊടുത്തുവിടുകയായിരുന്നു . ഷിജുവിന്റെ മോചനത്തിനായി മുഖ്യമന്ത്രി ഉമ്മൻചാണ്ടി വിദേശകാര്യമന്ത്രി സുഷമ സ്വരാജിനെ കണ്ടിരുന്നു .

വിലക്കയറ്റ വിരുദ്ധ പ്രക്ഷോഭം-ഇടതുമുന്നണി വിലക്കയറ്റ വിരുദ്ധ പ്രക്ഷോഭം ഇന്ന് തുടങ്ങും . കേന്ദ്ര, സംസ്ഥാന സര്‍ക്കാറുകളുടെ ജനവിരുദ്ധ നടപടികളില്‍ പ്രതിഷേധിച്ചാണ് സമരം . സെക്രട്ടേറിയറ്റിന് മുന്നില്‍ നടക്കുന്ന സത്യഗ്രഹം പ്രതിപക്ഷ നേതാവ് വിഎസ് അച്യുതാനന്ദന്‍ ഉദ്ഘാടനം ചെയ്യും .

അന്തരിച്ചു-പി കരുണാകരൻ എംപിയുടെ പി എ, കാസർകോട് ചിറ്റാരിക്കൽ തയ്യേനി സ്വദേശി പി ബി മനോജ് (43) അന്തരിച്ചു . ഹൃദയാഘാതത്തെ തുടർന്ന് പുലർച്ചെയായിരുന്നു അന്ത്യം .

ദേശീയ വാർത്തകൾ-

പാർലമെന്റിൽ പ്രസ്താവന നടത്തും-മഹാരാഷ്ട്ര സദനിലെ സംഭവത്തിൽ കേന്ദ്രസർക്കാർ ഇന്ന് പാർലമെന്റിൽ വിശദീകരണം നൽകും . ലോക്സഭയിൽ ഇന്ന് ധനകാര്യബില്ലിൻമേലുള്ള ചർച്ച തുടരും . രാജ്യസഭയിൽ പൊതു ബജറ്റ് ചർച്ചയ്ക്ക് ധനമന്ത്രി അരുൺ ജെയ്റ്റ്‍ലി ഇന്നു മറുപടി നൽകും .

വിദേശ വാർത്തകൾ-

വിമാനാവശിഷ്ടങ്ങൾ കണ്ടെത്തി-തക‍ർന്നുവീണ അൾജീരിയൻ വിമാനത്തിന്റെ അവശിഷ്ടങ്ങൾ മാലിക്ക് സമീപം കണ്ടെത്തി . ഫ്രഞ്ച് സേനയുടെ തെരച്ചിലിലാണ് അവശിഷ്ടങ്ങൾ കണ്ടെത്തിയത് .

ഐക്യരാഷ്ട്രസഭ അപലപിച്ചു-ഗാസയിൽ അഭയാർത്ഥികേന്ദ്രത്തിന് നേരെയുണ്ടായ ഇസ്രായേൽ ആക്രമണത്തെ ഐക്യരാഷ്ട്രസഭാ സെക്രട്ടറി ജനറൽ ശക്തമായി അപലപിച്ചു . ആക്രമണം ഞെട്ടിച്ചുവെന്നും വെടിനിർത്തലിന് ഇസ്രായേലും ഹമാസും ഉടൻ തയ്യാറാകണമെന്നും ബാൻ കി മൂൺ .

കായിക വാർത്തകൾ-

പരാതികൾ അറിയിക്കാം-ഏഷ്യാനെറ്റ് ന്യൂസിൽ സംപ്രേഷണം ചെയ്യുന്ന പരിപാടികളെയും വാർത്തകളെയും കുറിച്ച് നിങ്ങൾക്ക് പരാതിയോ ആക്ഷേപമോ ഉണ്ടെങ്കിൽ അറിയിക്കുക : http://www.nbanewdelhi.com .

Now you are viewing stories from old website

Subscribe to our rss feed

Follow us on Facebook and twitter

Subscribe our youtube channel

Get Latest News in your e-mail Inbox!