ദില്ലി സംഘര്‍ഷം: പൊലീസുകാരന്‍റെ കുടുംബത്തിന് ബച്ചന്‍ രണ്ടര ലക്ഷം നല്‍കി

Last Updated on Wednesday, 26 December 2012 10:31

Published on Wednesday, 26 December 2012 10:31

ന്യൂഡല്‍ഹി: ഓടിക്കൊണ്ടിരിക്കുന്ന ബസ്സില്‍ പെണ്‍കുട്ടി കൂട്ട ബലാല്‍സംഗത്തിന് ഇരയായ സംഭവത്തില്‍ പ്രതിഷേധിച്ച്, ദില്ലിയില്‍ നടന്ന പ്രക്ഷോഭത്തില്‍ കൊല്ലപ്പെട്ട പൊലീസുകാരന്‍റെ കുടുംബത്തിന് അമിതാഭ് ബച്ചന്‍ ധനസഹായം നല്‍കി. മുംബൈയിലെ സൌത്ത്  ഇന്ത്യന്‍ എഡ്യുക്കേഷന്‍ സൊസൈറ്റിയുടെ അവാര്‍ഡായി ലഭിച്ച രണ്ടര ലക്ഷം രൂപയാണ്, കൊല്ലുപ്പെട്ട സുഭാഷ് ചന്ദ് തോമറിന്റെ കുടുംബത്തിന് ബച്ചന്‍ നല്‍കിയത്. പണം കൈമാറുന്ന വിവരം അവാര്‍ഡ് വേദിയില്‍ വച്ചുതന്നെ അമിതാഭ് ബച്ചന്‍ പ്രഖ്യാപിച്ചു.

പ്രക്ഷോഭത്തില്‍ പരുക്കേറ്റ പൊലീസുകാരന്‍ ചികിത്സയിലായിരിക്കേയാണ് മരിച്ചത്. റാം മനോഹര്‍ ലോഹ്യ ആശുപത്രിയില്‍ ചികിത്സയിലായിരുന്ന സുഭാഷ് തോമര്‍ കഴിഞ്ഞ ദിവസമാണ് മരിച്ചത്.