17-Apr-2014 Thursday
img

തെരഞ്ഞെടുപ്പ് വാർത്തകൾ-

ജനവിധി തേടി പ്രമുഖർ-ഉത്തർപ്രദേശ്, മധ്യപ്രദേശ്, കർണാടകം ,രാജസ്ഥാൻ,ബീഹാർ, ഒഡീഷ തുടങ്ങി 12 സംസ്ഥാനങ്ങളിലെ 121 മണ്ഡലങ്ങളിൽ വോട്ടെടുപ്പ് പുരോഗമിക്കുന്നു . ജസ്വന്ത്സിംഗും വീരപ്പമൊയ്‍ലിയും, ദേവഗൗഡയും, യെദ്യൂരപ്പയുമടക്കമുള്ള പ്രമുഖർ ജനവിധി തേടുന്നു . സുശീൽ കുമാർ ഷിൻഡെ, അശോക് ചവാൻ,സുപ്രിയ സുലേ,ഗോപിനാഥ് മുണ്ടേ തുടങ്ങിയ പ്രമുഖരും ജനവിധി തേടുന്നു .

ഭൂരിപക്ഷം സീറ്റിലും വിജയിക്കാനാകുമെന്ന് സിപിഎം -കേരളത്തിൽ ഭൂരിപക്ഷം സീറ്റിലും വിജയിക്കാനാകുമെന്ന് സിപിഎം; 12 മുതൽ 14 സീറ്റ് വരെ നേടാനാകും;രാഷ്ട്രീയ സാഹചര്യം അനുകൂലമായിരുന്നെന്നും സിപിഎം സംസ്ഥാനസെക്രട്ടറിയേറ്റിന്റെ വിലയിരുത്തൽ .

എംഎ ബേബിക്കെതിരെ കെ മുരളീധരൻ-തിരുവനന്തപുരത്ത് LDF-BJP സഖ്യമുണ്ടായിരുന്നെന്ന് കെ മുരളീധരൻ; എംഎ ബേബിയുടെ പ്രസ്താവന വോട്ടുകച്ചവടം മറച്ചുവയ്ക്കാനാണെന്നും കെ മുരളീധരൻ; ഇതിന്റെ ഗുണം കിട്ടിയത് കൊല്ലത്ത് എംഎ ബേബിയ്ക്കാണെന്നും മുരളീധരൻ .

കേരള വാർത്തകൾ-

"കസ്തൂരിരംഗനില്‍ അസ്വസ്ഥത തുടരുന്നു'-കസ്തൂരിരംഗന്‍ റിപ്പോർട്ടിന്മേലുള്ള അസ്വസ്ഥതകള്‍ ഇപ്പോഴും നിലനില്‍ക്കുന്നുണ്ടെന്ന് കര്‍ദിനാള്‍ മാര്‍ ജോര്‍ജ് ആലഞ്ചേരി . കേന്ദ്രത്തില്‍ ഐക്യത്തോടെയുള്ള സര്‍ക്കാര്‍ വരണമെന്നും കര്‍ദിനാള്‍ മാര്‍ ജോര്‍ജ് ആലഞ്ചേരി .

ഡിസിസികളോട് റിപ്പോർട്ട് തേടി കെപിസിസി-ലോക്സഭാ തെരഞ്ഞെടുപ്പ് : ഡിസിസികളോട് കെപിസിസി റിപ്പോർട്ട് ആവശ്യപ്പെട്ടു; തെരഞ്ഞെടുപ്പ് പ്രചാരണങ്ങളിൽ വീഴ്ചകളോ അപാകതകളോ ഉണ്ടായിട്ടുണ്ടെങ്കിൽ അറിയിക്കണമെന്ന് കെപിസിസി; നേതാക്കളോ ഗ്രൂപ്പുകളോ പ്രാദേശിക ഘടകങ്ങളോ വിട്ടുനിന്നിട്ടുണ്ടെങ്കിലും അറിയിക്കണം; 22ന് മുന്പ് റിപ്പോർട്ട് നൽകാൻ കെപിസിസി നിർദ്ദേശം .

ഷാനിമോൾ ഉസ്മാനെതിരെ ആലപ്പുഴ ഡിസിസി-KCവേണുഗോപാലിന്റെ പ്രചാരണത്തിന് ഷാനിമോൾ ഉസ്മാൻ സജീവമായി പങ്കെടുത്തില്ലെന്ന് ആരോപണം; ഇക്കാര്യം ചൂണ്ടിക്കാണിച്ച് KPCC പ്രസിഡന്റിന് പരാതി നൽകുമെന്ന് DCC പ്രസിഡന്റ് എ എ ഷുക്കൂർ .

ഷുക്കൂറിന്റെ ആരോപണം തെറ്റ്: ഷാനിമോൾ ഉസ്മാൻ-തെരഞ്ഞെടുപ്പ് പ്രവർത്തനങ്ങളിൽ താൻ സജീവമായിരുന്നുവെന്ന് ഷാനിമോൾ ഉസ്മാൻ; ദേശീയ നേതാവായതിനാൽ തന്റെ പ്രവർത്തനം ആലപ്പുഴ മണ്ഡലത്തിൽ മാത്രമായിരുന്നില്ലെന്നും ഷാനിമോൾ ഉസ്മാൻ;ഷാനിമോൾ ഉസ്മാനെതിരെയുള്ള ഷുക്കൂറിന്റെ പരാതി വ്യക്തിപരമായ അഭിപ്രായം മാത്രമെന്ന് തെരഞ്ഞെടുപ്പ് കമ്മിറ്റി .

ഏഷ്യാനെറ്റ് ന്യൂസ് ഇംപാക്ട്-മുതലമടയിലെ ആറ് ക്വാറികൾക്ക് സ്റ്റോപ് മെമ്മോ; ജില്ലാ ജിയോളജി വകുപ്പാണ് നോട്ടീസ് നൽകിയത്; പഞ്ചായത്തിന്റെ അനുമതിയില്ലാതെ പ്രവർത്തിക്കരുതെന്ന് ആവശ്യപ്പെട്ടാണ് നോട്ടീസ് .

ഹീമോഫീലിയ രോഗികള്‍ ദുരിതത്തില്‍-ക്ലോട്ടിംഗ്ഫാക്ടർ മരുന്ന് കാരുണ്യ ഫാര്‍മസികളില്‍ കിട്ടാനില്ല; പൊതുവിപണിയില്‍ സാധാരണക്കാരന് താങ്ങാനാകാത്ത വില . കാസര്‍കോട് ജില്ലയിലെ ഹീമോഫീലിയ രോഗികള്‍ക്ക് മരുന്നുകള്‍ ലഭിക്കുന്നില്ല .

ആറ്റിങ്ങൽ കൊലപാതകം-ആക്രമിക്കപ്പെട്ട ലിജീഷിന്‍റെ ഭാര്യ അനുശാന്തി അറസ്റ്റില്‍; ഗൂഢാലോചനയില്‍ പങ്കുണ്ടെന്ന സൂചനയെ തുടര്‍ന്നാണ് അറസ്റ്റ് .

എംടിക്ക് ഏഷ്യാനെറ്റ് ന്യൂസിന്റെ ആദരം-മലയാളത്തിന്റെ അഭിമാനമായ എംടിക്ക് ഏഷ്യാനെറ്റ് ന്യൂസിന്റെ ആദരം... . 'പ്രിയപ്പെട്ട എംടി'എംടി ചലച്ചിത്രോത്സവത്തില്‍ ഇന്ന് 'ഓളവും തീരവും'; പ്രദര്‍ശനം വൈകിട്ട് ആറര മണിക്ക് മാനാഞ്ചിറ സ്ക്വയറില്‍ .

തടവുപുള്ളി ആത്മഹത്യയ്ക്ക് ശ്രമിച്ചു-കോട്ടയം പൊൻകുന്നം സബ് ജയിലിൽ തടവുപുള്ളി ആത്മഹത്യയ്ക്ക് ശ്രമിച്ചു; മോഷണക്കേസിലെ പ്രതിയായ മൂർഖൻ ജോയ് ആണ് ബ്ലേഡ് കൊണ്ട് കഴുത്തറുത്ത് ആത്മഹത്യക്ക് ശ്രമിച്ചത് .

കാറിടിച്ച് മരിച്ചു -കൊയിലാണ്ടിയിൽ പത്ര ഏജന്‍റ് കാറിടിച്ച് മരിച്ചു . പി പി ബാലകൃഷ്ണനാണ് പത്രവിതരണത്തിനിടെ കാറിടിച്ച് മരിച്ചത് .

വീട്ടമ്മയുടെ കൊലപാതകം: പ്രതി പിടിയിൽ-പള്ളുരുത്തിയിൽ വീട്ടമ്മയെ കുത്തി കൊലപ്പെടുത്തിയ കേസിലെ പ്രതി പിടിയിൽ; വീട്ടമ്മയുടെ അയൽവാസിയായ മധുവിനെയാണ് പൊലീസ് അറസ്റ്റ് ചെയ്തത്; പാലക്കാട് നിന്നാണ് ഇയാളെ പൊലീസ് കസ്റ്റഡിയിലെടുത്തത് .

സ്വർണ്ണവിലയിൽ മാറ്റമില്ല-ഗ്രാമിന് 2780 രൂപ, പവന് 22,240 രൂപ .

ദേശീയ വാര്‍ത്തകള്‍-

സി എ ജിക്ക് പരിശോധിക്കാം-സ്വകാര്യ ടെലികോം കന്പനികളിൽ സി എ ജിക്ക് ഓഡിറ്റിംഗ് നടത്താമെന്ന് സുപ്രീംകോടതി ; ഓഡിറ്റിംഗ് നടത്താമെന്ന ഹൈക്കോടതി വിധി ചോദ്യം ചെയ്ത് ടെലികോം നൽകിയ ഹർജിയിലാണ് കോടതി ഉത്തരവ് .

റോബിൻ ധോവാൻ പുതിയ നാവികസേനാ മേധാവി-വൈസ് അഡ്മിറൽ റോബിൻ ധോവാൻ പുതിയ നാവിക സേനാ മേധാവിയായി ചുമതലയേറ്റു . മുൻ മേധാവി ഡി കെ ജോഷി രാജിവച്ച ഒഴിവിലേക്കാണ് നിയമനം .

ഹർജി സുപ്രീംകോടതി തള്ളി-ശ്രീലങ്കയിൽ എൽ ടി ടിക്കെതിരായ യുദ്ധത്തിൽ ഇന്ത്യൻ സേനയുടെ പങ്ക് അന്വേഷിക്കണമെന്ന് ആവശ്യപ്പെട്ടുകൊണ്ടുള്ള ഹർജി സുപ്രീംകോടതി തള്ളി .

റെയില്‍പാളം തകര്‍ത്തു-ഝാര്‍ഖണ്ഡിലെ ബൊക്കാറോയില്‍ മാവോയിസ്റ്റുകള്‍ റെയില്‍പാളം ബോംബ് വച്ച് തകര്‍ത്തു; മാവോയിസ്റ്റുകളും സുരക്ഷാസേനയും തമ്മിൽ ഏറ്റുമുട്ടി .

വിദേശ വാർത്തകൾ-

വെടിനിർത്തൽ പിൻവലിച്ചു-വെടിനിർത്തൽ തീരുമാനം പാക് താലിബാൻ പിൻവലിച്ചു . ആവശ്യങ്ങൾ പാകിസ്ഥാൻ സർക്കാർ അംഗീകരിക്കാത്തതിനാലാണ് തീരുമാനമെന്ന് താലിബാൻ . കഴിഞ്ഞ മാർച്ചിൽ പ്രഖ്യാപിച്ച വെടിനിർത്തൽ കരാറിൽ നിന്നാണ് താലിബാൻ പിൻവാങ്ങുന്നത് .

തെരച്ചിൽ തുടരുന്നു-ദക്ഷിണകൊറിയയില്‍ ബോട്ട് മുങ്ങി കാണാതായ 280 പേർക്ക് വേണ്ടിയുള്ള തെരച്ചിൽ തുടരുന്നു .

യുക്രൈൻ നീക്കം പാളി-റഷ്യൻ അനുകൂലികളിൽ നിന്നും കിഴക്കൻ നഗരങ്ങൾ പിടിച്ചെടുക്കാനുള്ള യുക്രൈൻ നീക്കം പാളി .

കായികവാർത്തകൾ-

ഇന്ന് ഡെൽഹി-ബാംഗ്ലൂര്‍ പോരാട്ടം-ഐപിഎല്ലിൽ ഇന്ന് ഡെൽഹി ഡെയർ ഡെവിൾസ്-ബാംഗ്ലൂര്‍ റോയൽ ചലഞ്ചേഴ്സ് പോരാട്ടം. . ആദ്യ കളിയില്‍ മുംബൈ ഇന്ത്യൻസിനെതിരെ കൊൽക്കത്ത നൈറ്റ് റൈ‍ഡേഴ്സിന് 41 റൺസ് ജയം .

റയൽ മാഡ്രിഡിന് ജയം-കോപ്പ ഡെൽറെ കപ്പ് റയൽ മാഡ്രിഡിന് ; ബാഴ്സലോണയെ തോൽപ്പിച്ചത് ഒന്നിനെതിരെ രണ്ട് ഗോളുകൾക്ക് .

പരാതികൾ അറിയിക്കാം-ഏഷ്യാനെറ്റ് ന്യൂസിൽ സംപ്രേഷണം ചെയ്യുന്ന വാർത്തകളെയും പരിപാടികളെയും കുറിച്ച് നിങ്ങൾക്ക് പരാതികളോ ആക്ഷേപങ്ങളോ ഉണ്ടെങ്കിൽ ന്യൂസ് ബ്രോഡ്കാസ്റ്റിംഗ് അസോസിയേഷനെ അറിയിക്കാം; സന്ദർശിക്കുക http://www.nbanewdelhi.com .

ആറ്റിങ്ങൽ കൊലപാതകം-കൊലപാതകത്തിന് ഉപയോഗിച്ച ആയുധങ്ങളും രക്തംപുരണ്ട വസ്ത്രവും സ്വർണാഭരണങ്ങളും പ്രതി നിനോ മാത്യുവിന്റെ വീട്ടിൽ നിന്നും കണ്ടെടുത്തു; കഴക്കൂട്ടത്തെ ഇയാളുടെ വീട്ടിൽ തെളിവെടുപ്പ് തുടരുന്നു .

JUST IN-

Now you are viewing stories from old website

Subscribe to our rss feed

Follow us on Facebook and twitter

Subscribe our youtube channel

Get Latest News in your e-mail Inbox!