പ്രസ്താവന പിന്‍വലിച്ച് മായാവതി

Last Updated on Saturday, 15 December 2012 11:28

Published on Thursday, 13 December 2012 14:19

രാജ്യസഭാ അധ്യക്ഷനതിരെ ഇന്നലെ നടത്തിയ പരാമര്‍ശങ്ങള്‍ ബിഎസ്പി നേതാവ് മായാവതി പിന്‍വലിച്ചു. സഭാഅധ്യക്ഷനെ ബഹുമാനിക്കുന്നതായി മായാവതി പറഞ്ഞു. അധ്യക്ഷനെ പ്രധാനമന്ത്രിയും പ്രതിപക്ഷനേതാവും പിന്‍തുണച്ചു.

അധ്യക്ഷന്‍ ഹമീദ് അന്‍സാരിക്കെതിരെ കഴിഞ്ഞ ദിവസം മായാവതി രാജ്യസഭയില്‍ നടത്തിയ പ്രസ്താവന വിവാദമായിരുന്നു. ഇത് പിന്നീട് രേഖയില്‍ നിന്ന് നീക്കിയിരുന്നു. ഇന്ന് ശൂന്യവേളയില്‍ മായാവതി സഭാഅധ്യക്ഷനെ ബഹുമാനിക്കുന്നതായി വ്യക്തമാക്കി. എന്നാല്‍ പട്ടികജാതി പട്ടിക വര്‍ഗക്കാര്‍ക്ക് സ്ഥാനക്കയറ്റത്തിന് സംവരണം നല്‍കുന്നതിനുള്ള ബില്ല് ഉടന്‍ പാസാക്കണമെന്നും മായാവതി ആവശ്യപ്പെട്ടു

സഭാ അധ്യക്ഷനെ എല്ലാവരും ബഹുമാനിക്കണമെന്ന് പ്രധാനമന്ത്രി ആവശ്യപ്പെട്ടു. പ്രതിപക്ഷ നേതാക്കളായ അരുണ്‍ ജെയ്റ്റലി, സീതാറാം യെച്യൂരി എന്നിവരും ഇതിനോട് യോജിച്ചു.