തട്ടുകട ഉത്സവം: കുറ്റിപ്പുട്ടും നെയ്മീനും ഹിറ്റായി

Last Updated on Sunday, 16 December 2012 14:24

Published on Sunday, 16 December 2012 10:16

ന്യൂഡല്‍ഹി: ദില്ലിയില്‍ വഴിയോര കച്ചവട തൊഴിലാളികളുടെ ദേശീയ സമ്മേളനത്തോടനുബന്ധിച്ച് നടത്തിയ തട്ടുകട ഉത്സവം ശ്രദ്ധേയമായി.  ഇരുപത്തിമൂന്ന് സംസ്ഥാനങ്ങള്‍ പങ്കെടുത്ത ഉത്സവത്തില്‍ കേരളത്തിന്റെ സ്റ്റാളിലായിരുന്നു വന്‍ തിരക്ക്.
 
തട്ടുകടകളെ കൂടുതല്‍ ജനകീയമാക്കുന്നതിനു വേണ്ടിയാണ് ദില്ലിയില്‍ തട്ടുകട ഉത്സവം സംഘടിപ്പിച്ചത്. നാടിന്റെ തനതു ഭക്ഷണങ്ങളുമായി സംസ്ഥാനങ്ങള്‍ എത്തിയപ്പോള്‍ വിവിധ രുചിഭേദങ്ങളെ ഒരുമിച്ചറിയാന്‍ നഗരവാസികള്‍ക്ക് അവസരമൊരുങ്ങി.  കപ്പയും നെയ്മീനും ആവി പറക്കുന്ന കുറ്റിപ്പുട്ടുമൊക്കെയായി കേരളവും മേളയ്ക്കെത്തി.  ദൈവത്തിന്‍റെ സ്വന്തം നാട്ടിലെ രുചിക്കൂട്ടറിയാന്‍ ജനം തിക്കിത്തിരക്കിയപ്പോള്‍ ഒറ്റ ദിവസം കൊണ്ട് പെട്ടിയില്‍ വീണത് പതിനെട്ടായിരം രൂപ.

വിഭവങ്ങളുടെ പേരു പറയാനറിയില്ലെങ്കിലും ചോദിച്ചറിഞ്ഞെത്തുന്നുണ്ടായിരുന്നു ദില്ലിയിലെത്തിയ വിനോദ സഞ്ചാരികള്‍ അടക്കമുള്ളവര്‍. ആവുന്ന രീതിയില്‍ പരിചപ്പെടുത്താന്‍ സംഘാടകരും.