24-Apr-2014 Thursday
img

FLASH NEWS ഐപിഎല്ലിൽ ചെന്നൈക്ക് ജയം-ഐപിഎല്ലിൽ രാജസ്ഥാനെ 7 റൺസിന് ചെന്നൈ തോൽപ്പിച്ചു . വിശദമായ വാർത്ത എഫ് ഐ ആറിൽ . ബാങ്ക് അസിസ്റ്റന്റ് മാനേജർ പ്രഭു പൊലീസ് പിടിയിൽ . നിക്ഷേപകരുടെ അക്കൗണ്ടിൽ നിന്നും ഒരു കോടി 23 ലക്ഷം രൂപ തട്ടിയെടുത്തു . സിൻഡിക്കറ്റ് ബാങ്കിന്റെ കാരക്കോണം ബ്രാഞ്ചിൽ നിന്നും കോടികൾ തട്ടിച്ചു .

FLASH NEWS നിക്ഷേപകരുടെ കോടികൾ ബാങ്ക് അസി. മാനേജർ തട്ടി-

കേരള വാർത്തകൾ-

ഇടക്കാല ഉത്തരവ് നാളെ-അമിക്കസ് ക്യൂറിയുടെ കണ്ടെത്തലുകൾ ഗൗരവമേറിയതെന്ന് സുപ്രീംകോടതി; ശ്രീപദ്മനാഭസ്വാമിക്ഷേത്രത്തെക്കുറിച്ചുള്ള കണ്ടെത്തലുകൾ അസ്വസ്ഥമാക്കുന്നുവെന്നും കോടതി; അമിക്കസ്ക്യൂറിക്ക് നേരെ വിരൽ ചൂണ്ടാൻ ആരെയും അനുവദിക്കില്ല ;ഇക്കാര്യത്തിൽ സുപ്രീംകോടതി നാളെ അന്തിമഉത്തരവ് പുറപ്പെടുവിക്കും .

ഉത്തരവ് 5 കാര്യങ്ങളിൽ-സുപ്രീംകോടതി നാളെ ഉത്തരവ് പുറപ്പെടുവിക്കുന്നത് കല്ലറ സംരക്ഷണം,കാണിയ്ക്ക പുരയിലെ കണക്കെടുപ്പ്, ക്ഷേത്ര സ്വത്തിന്റെ സംരക്ഷണം, ഭരണസമിതി ഉടച്ചുവാർക്കൽ, പ്രസാദ വിതരണത്തിലെ പോരായ്മകൾ എന്നീ കാര്യങ്ങളിൽ .

"സർക്കാരിന് വീഴ്ച പറ്റി'-പത്മനാഭസ്വാമി ക്ഷേത്രത്തിലെ സ്വത്ത് സംരക്ഷണത്തിൽ സർക്കാരിന് വീഴ്ച പറ്റിയെന്ന് വി.മുരളീധരൻ; നഷ്ടപ്പെട്ട സ്വത്തുക്കൾ അന്വേഷിച്ച് കണ്ടെത്തണമെന്നും വി.മുരളീധരൻ;ക്ഷേത്രം ഏറ്റെടുക്കാൻ സർക്കാർ തുനിഞ്ഞാൽ ഭക്തർക്ക് ഒപ്പം നിന്ന് എതിർക്കുമെന്നും ബിജെപി സംസ്ഥാനപ്രസിഡന്റ് .

ബാർ ലൈസൻസിൽ ഇന്ന് തീരുമാനമില്ല -കോൺഗ്രസിൽ രൂക്ഷമായ അഭിപ്രായഭിന്നത; മുഖ്യമന്ത്രിയും വി.എം.സുധീരനും നേർക്കുനേർ; നിലവാരമില്ലാത്ത ബാറുകൾക്ക് ലൈസൻസ് പുതുക്കി നൽകാനാവില്ലെന്ന് സുധീരൻ; നിലവാരമുയർത്താൻ ഒരു വർഷത്തെ സമയം അനുവദിക്കണമെന്ന് മുഖ്യമന്ത്രി; രണ്ടു വട്ടം ചേർന്ന പാർട്ടി-സർക്കാർ ഏകോപനസമിതിയിലും തീരുമാനമായില്ല; കോൺഗ്രസ് തീരുമാനമെടുക്കാത്തതിനാൽ യുഡിഎഫ് യോഗത്തിലും തീരുമാനം ഉണ്ടാവില്ലെന്ന് സുധീരൻ; മദ്യനയം ച‍ർച്ച ചെയ്യാൻ ചൊവ്വാഴ്ച യുഡിഎഫ് വീണ്ടും യോഗം ചേരും .

ഡി സുഗതന് കാരണംകാണിക്കൽ നോട്ടിസ്-പാർട്ടി വിലക്ക് ലംഘിച്ച് പരസ്യപ്രസ്താവന നടത്തിയ ഡി സുഗതന് പാർട്ടിയുടെ കാരണംകാണിക്കൽ നോട്ടിസ്;കെപിസിസി പ്രസി‍ഡന്റ് വി എം സുധീരനാണ് കാരണം കാണിക്കൽ നോട്ടിസ് നൽകിയത് .

15 സീറ്റ് നേടുമെന്ന് വിലയിരുത്തൽ-ലോക്സഭാ തെരഞ്ഞെടുപ്പിൽ 15 സീറ്റിൽ വിജയിക്കുമെന്ന് യുഡിഎഫ് വിലയിരുത്തൽ; എല്ലാവരും ഒറ്റക്കെട്ടായി പ്രവ ർത്തിച്ചെന്നും യോഗത്തിന്റെ വിലയിരുത്തൽ; പ്രതികൂല സാഹചര്യത്തിൽ പിടിച്ചുനിൽക്കാൻ കഴിഞ്ഞത് സംസ്ഥാന സ‍ർക്കാരിന്റെ ഭരണനേട്ടം കൊണ്ടെന്നും വിലയിരുത്തൽ .

"ജുഡീഷ്യൽ അന്വേഷണം വേണം'-ബാർ ലൈസൻസിന്റെ കാര്യത്തിൽ ജുഡീഷ്യൽ അന്വേഷണം വേണമെന്ന് വിഎസ് .

എസ്ബിഐ വീഴ്ച വരുത്തി-തൊഴിലുറപ്പുപദ്ധതിയിൽ ശന്പളവിതരണത്തിനുള്ള നോഡൽ ഏജൻസിയായി എസ്ബിഐയെ മാത്രം നിയോഗിച്ച തീരുമാനത്തിൽ മാറ്റം വരുത്തുമെന്ന് മന്ത്രി കെ സി ജോസഫ്; ശന്പളവിതരണത്തിൽ എസ്ബിഐ വീഴ്ച വരുത്തിയെന്നും കെ സി ജോസഫ് .

മന്ത്രിസഭാ തീരുമാനം-സെക്രട്ടേറിയറ്റിൽ മൂന്നുവർഷമായി കെട്ടിക്കിടക്കുന്ന ഫയലുകളിൽ 100 ദിവസം കൊണ്ട് നീതിപൂർവ്വമായ തീരുമാനമെടുക്കാൻ നിർദ്ദേശം നൽകിയതായി മന്ത്രി കെ സി ജോസഫ് . കേരളത്തിന്റെ പ്രത്യേകസാഹചര്യം കണക്കിലെടുത്ത് തീരദേശപരിപാലന നിയമത്തിൽ ഇളവ് തേടുന്നത് അടുത്ത മന്ത്രിസഭായോഗം ചർച്ചചെയ്ത് തീരുമാനിക്കുമെന്ന് മന്ത്രി കെ സി ജോസഫ് . സബർബൻ പദ്ധതി ഒന്നാംഘട്ട സാധ്യതാപഠന റിപ്പോർട്ട് മുംബൈ റെയിൽ വികാസ് കോർപ്പറേഷൻ സമർപ്പിച്ചതായും മന്ത്രി .

ശബരിനാഥിനെ ക്രൈംബ്രാഞ്ച് കസ്റ്റഡിയിൽ വിട്ടു-നാല് ദിവസത്തേക്കാണ് നെടുമങ്ങാട് കോടതി ശബരിനാഥിനെ ക്രൈംബ്രാഞ്ച് കസ്റ്റഡിയിൽ വിട്ടത് .

"തെളിവെടുപ്പ് മാറ്റിയത് ദുരൂഹം'-എംജി വിസിക്കെതിരായ തെളിവെടുപ്പ് മാറ്റിയത് ദുരൂഹമെന്ന് പരാതിക്കാരൻ . നാളെ നടത്താനിരുന്ന തെളിവെടുപ്പ് മാറ്റിയതായി കഴിഞ്ഞ ദിവസം രാജ്ഭവൻ അറിയിച്ചിരുന്നു . ഇത് വിസിയെ സഹായിക്കാനാണെന്ന് പരാതിക്കാരൻ വി കെ സജീവൻ . നടപടിക്കെതിരെ ഗവർണർക്ക് പരാതി നൽകിയെന്നും സജീവൻ .

ഫിറ്റ്നസ് റദ്ദാക്കി-മോട്ടോർ വാഹനനിയമം ലംഘിച്ചതിന് 2 കെഎസ്ആർടിസി ബസുകളുടെയും, 15 സ്വകാര്യ ബസുകളുടെയും ഫിറ്റ്നസ് മോട്ടോർ വാഹന വകുപ്പ് റദ്ദാക്കി .

പഠനറിപ്പോർട്ട് അവഗണിച്ചു-മുതലമടയിലെ കീടനാശിനി പ്രയോഗത്തെകുറിച്ചുള്ള സെന്റർ ഫോർ സയൻസ് ആൻഡ് എൻവയോൺമെന്റിന്റെ പഠനറിപ്പോർട്ട് സർക്കാർ അവഗണിച്ചു . ആരോഗ്യപ്രശ്നങ്ങൾക്ക് കാരണം എൻഡോസൾഫാനെന്ന് നാല് വർഷം മുന്പ് CSE റിപ്പോർട്ട് നൽകി . കാസർകോട് സംഭവിച്ചതിന് സമാനമായ ദുരന്തം ഉണ്ടാകുെമന്നും മുന്നറിയിപ്പ് നൽകിയിരുന്നു . തുടർപഠനം വേണമെന്ന നിർദ്ദേശം സർക്കാർ അവഗണിച്ചു .

ആലപ്പുഴയിലെ കോൺഗ്രസിൽ പൊട്ടിത്തെറി -തെരഞ്ഞെടുപ്പ് പ്രവർത്തനം തന്നെ ആരും പഠിപ്പിക്കേണ്ടെന്ന് ഡി സുഗതൻ . ഡിസിസി പ്രസിഡന്റ് എ എ ഷുക്കൂർ നടപ്പിലാക്കുന്നത് വ്യക്തിപരമായ അജണ്ടകൾ . SNDP യോഗത്തെ പിണക്കിയത് കെ സി വേണുഗോപാലിന് തെരഞ്ഞെടുപ്പിൽ ദോഷം ചെയ്യുമെന്ന് സുഗതൻ . SNDPക്ക് അനുകൂലമായി സംസാരിച്ചതിനാണ് തനിക്കെതിരെ ആരോപണങ്ങൾ ഉന്നയിക്കുന്നത് . ഷാനിമോൾ ഉസ്മാന്റെ ആരോപണങ്ങൾ അൽപ്പം കടന്ന കയ്യായിപ്പോയെന്നും ഡി സുഗതൻ .

"സുഗതന് നേരിട്ട് മറുപടി പറയാനില്ല'-സുഗതന് നേരിട്ട് മറുപടി പറയാനില്ലെന്ന് ഡിസിസി പ്രസിഡന്റ് എ എ ഷുക്കൂർ . പറയാനുള്ളത് കെപിസിസി യോഗത്തിൽ പറഞ്ഞിട്ടുണ്ട് . വെള്ളാപ്പള്ളിക്കെതിരായ ആരോപണങ്ങളിൽ ഉറച്ചുനിൽക്കുന്നതായും ഷുക്കൂർ .

പ്രതാപവർമ്മ തന്പാനെതിരെ ഐഎൻടിയുസി-കൊല്ലം ഡിസിസി പ്രസിഡന്റ് പ്രതാപവർമ്മ തന്പാനെതിരെ ഐഎൻടിയുസി ; നേതാക്കളെയും പ്രവർത്തകരെയും ഡിസിസി പ്രസിഡന്റ് അധിക്ഷേപിക്കുന്നു .

സിറ്റിംഗ് തുടങ്ങി-സിമി സംഘടനയുടെ നിരോധനം നീട്ടുന്നതിനെ കുറിച്ചുള്ള കേന്ദ്ര ട്രിബ്യൂണലിന്റെ തെളിവെടുപ്പ് സംസ്ഥാനത്ത് തുടങ്ങി . മൂന്ന് ദിവസമാണ് സമിതിയുടെ സിറ്റിംഗ് . സംസ്ഥാന ഇന്റലിജൻസ്, എൻഐഎ ഉദ്യോഗസ്ഥർ എന്നിവരും ട്രൈബ്യൂണലിന് മുൻപാകെ മൊഴി നൽകും . ദില്ലി ഹൈക്കോടതിയിലെ സിറ്റിംഗ് ജഡ്ജി സുരേഷ് കെയ്റ്റാണ് സമിതി തലവൻ .

കാരണം കാണിക്കലിന് മറുപടി നൽകി-പി രാമകൃഷ്ണൻ കെപിസിസി പ്രസിഡന്റ് വി എം സുധീരന് മറുപടി ഫാക്സ് അയച്ചു . തെറ്റായൊന്നും ചെയ്തിട്ടില്ല, തന്നെ കുടുക്കുകയായിരുന്നെന്ന് വിശദീകരണം . സ്വകാര്യസംഭാഷണം ഒളിക്യാമറയിലെടുത്ത് ചാനലിന് നൽകിയതിനുപിന്നിൽ യൂത്ത് കോൺഗ്രസ് നേതാവെന്ന് ആരോപണം . ഓൺലൈൻ മാസികയ്ക്ക് വേണ്ടിയെന്ന നിലയിലാണ് തന്നെ സമീപിച്ചതെന്നും പി രാമകൃഷ്ണൻ .

"ആരോപണങ്ങൾ അന്വേഷിക്കണം'-ആരോപണം ഉന്നയിക്കുന്നവരെ പിടിച്ചു െകട്ടാനാണ് വിഎം സുധീരൻ ശ്രമിക്കുന്നതെന്ന് പി ജയരാജൻ; കെ സുധാകരനെതിരെ പി രാമകൃഷ്ണൻ ഉന്നയിച്ച വിമർശനങ്ങളെക്കുരിച്ച് സമഗ്ര അന്വേഷണം വേണമെന്നും പി ജയരാജൻ .

തവമണിക്കെതിരെ നടപടി-അഡ്വ. തവമണിക്കെതിരെ ബാർ കൗൺസിൽ നടപടി തുടങ്ങി, 15 ദിവസത്തിനകം വിശദീകരണം നൽകണമെന്നാവശ്യപ്പെട്ട് നോട്ടീസ് നൽകും, തൊഴിൽപരമായ നടപടിദൂഷ്യത്തിനാണ് ബാർകൗൺസിൽ നടപടി, അഡ്വ. തവമണി സ്വാധീനിക്കാൻ ശ്രമിച്ചെന്ന് ജഡ്ജി കഴിഞ്ഞദിവസം ഉത്തരവിൽ വ്യക്തമാക്കിയതിന്റെ പശ്ചാത്തലത്തിലാണ് നടപടി .

മിസ്റ്റർ ഫ്രോഡിന് തിയേറ്റർ ഉടമകളുടെ വിലക്ക്-മോഹൻലാൽ ചിത്രം മിസ്റ്റർ ഫ്രോഡിന് തിയേറ്റർ ഉടമകളുടെ വിലക്ക് . സംവിധായകൻ ബി ഉണ്ണിക്കൃഷ്ണനുമായുള്ള തർക്കമാണ് കാരണം . അടുത്തമാസം എട്ടിനാണ് ചിത്രത്തിന്റെ റിലീസ് .

ടോൾ പിരിവ് താത്കാലികമായി നിർത്തി-കൊച്ചി പൊന്നുരുന്നിയിൽ റെയിൽവെ മേൽപ്പാലത്തിൽ ടോൾ പിരിക്കുന്നതിനെതിരെ ഡിവൈഎഫ്ഐ, എഐവൈഎഫ് പ്രവർത്തകർ പ്രതിഷേധിച്ചു . പ്രവർത്തകർ തടഞ്ഞതിനെ തുടർന്ന് ടോൾ പിരിക്കുന്നത് താത്കാലികമായി നിർത്തിവച്ചു .

സരിതയുടെ മൊഴി രേഖപ്പെടുത്തി-വിദേശത്ത് നിന്ന് ഫോണിൽ വിളിച്ച് കൊന്നുകളയുമെന്ന് ഭീഷണിപ്പെടുത്തിയെന്ന് സരിത എസ് നായർ; സരിതയുടെ പരാതിയിൽ അടൂർ പൊലീസ് കേസെടുത്തു . സിഎംപി നിയന്ത്രണത്തിലുള്ള പരിയാരം അർബൻ സഹകരണ സൊസൈറ്റി പ്രസിഡന്റ് സ്ഥാനം ഇ കു‍ഞ്ഞിരാമൻ രാജിവച്ചു; എം വി രാഘവന്റെ മരുമകനാണ് കു‍ഞ്ഞിരാമൻ;സിപി ജോൺ വിഭാഗം കൊണ്ടുവന്ന അവിശ്വാസത്തെ തുടർന്ന് വിഷയം നാളെ ചർച്ചചെയ്യാനിരിക്കേയാണ് രാജി; ഇന്നലെയും ഇന്നുമായി മൂന്ന് സൊസൈറ്റികളുടെ ഭരണം സി പി ജോൺ വിഭാഗം പിടിച്ചെടുത്തു .

സ്വർണം പിടികൂടി-മതിയായ രേഖകളില്ലാതെ വിൽക്കാൻ കൊണ്ടുവന്ന രണ്ടരക്കിലോ സ്വർണം വാണിജ്യ നികുതി ഇന്റലിജൻസ് വിഭാഗം കരുനാഗപ്പള്ളിയിൽ പിടികൂടി;തൃശൂർ സ്വദേശികളായ ബിനോ, ജോസ് മോൻ എന്നിവരെ കസ്റ്റഡിയിലെടുത്തു .

ഇടിമിന്നലേറ്റ് മത്സ്യത്തൊഴിലാളി മരിച്ചു -മീൻ പിടിക്കുന്നതിനിടെ കടലിൽ വെച്ച് ഇടിമിന്നലേറ്റ് മത്സ്യത്തൊഴിലാളി മരിച്ചു;കൊല്ലം വാടി കടപ്പുറത്ത് നിന്ന് മീൻ പിടിക്കാൻ പോയ കന്യാകുമാരി തൂത്തൂർ റോജ്(64) ആണ് മരിച്ചത് .

ബസ് തലകീഴായി മറിഞ്ഞു-കണ്ണൂർ കാട്ടാന്പള്ളിയിൽ ബസ് തലകീഴായി മറിഞ്ഞ് ഒട്ടേറെ പേർക്ക് പരിക്ക് .

അന്തരിച്ചു-ആറന്മുള ജഗതിയിൽ ജഗന്നാഥ പണിക്കർ (58) അന്തരിച്ചു; സംസ്കാരം നാളെ ഉച്ചയ്ക്ക് രണ്ടിന് . ഏഷ്യാനെറ്റ് ന്യൂസിലെ പ്രൊഡ്യൂസർ ഗായത്രി മകളാണ് .

മിന്നലേറ്റ് മരണം -തിരുവനന്തപുരത്ത് മിന്നലേറ്റ് സ്ത്രീ മരിച്ചു; വെന്പായം സ്വദേശി രാധയാണ് മരിച്ചത് . കോഴിക്കോട് ചേവായൂരിൽ ബൈക്കിൽ ബസിടിച്ച് ഒരാൾ മരിച്ചു;പള്ളിക്കണ്ടി സ്വദേശി ഖദീജയാണ് മരിച്ചത്;ഗുരുതരമായി പരിക്കേറ്റ ഭർത്താവിനെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു .

തെരഞ്ഞെടുപ്പ് വാർത്തകൾ-

ആറാംഘട്ടം നാളെ-ആറാംഘട്ട ലോക്സഭാ തെരഞ്ഞെടുപ്പ് നാളെ നടക്കും . 12 സംസ്ഥാനങ്ങളിലായി 117 മണ്ഡ‍ലങ്ങളിലാണ് നാളെ വോട്ടെടുപ്പ് നടക്കുക .

റീ പോളിംഗിനിടെ ഉന്തും തള്ളും-കളമശ്ശേരിയിൽ റീ പോളിംഗിനിടെ എഎപി, കോൺഗ്രസ് പ്രവർത്തകർ തമ്മിൽ ഉന്തും തള്ളുമുണ്ടായി . ബൂത്തിന് സമീപം കെട്ടിയിരുന്ന ആം ആദ്മി പാർട്ടിയുടെ ബാനർ അഴിച്ചുമാറ്റുന്നതുമായി ബന്ധപ്പെട്ടാണ് തർക്കമുണ്ടായത് .

"പ്രിയങ്കയ്ക്ക് കോൺഗ്രസ് പിന്തുണ'-റോബർട്ട് വദ്രയുടെ കാര്യത്തിൽ പ്രിയങ്കാ ഗാന്ധി നടത്തിയ പ്രസ്താവനയ്ക്ക് കോൺഗ്രസിന്റെ പിന്തുണ ഉണ്ടെന്ന് അഭിഷേക് സിംഗ് വി; രാഷ്ട്രീയ മുതലെടുപ്പിനാണ് BJP റോബർട്ട് വദ്രക്കെതിരെ ആരോപണങ്ങൾ ഉന്നയിക്കുന്നതെന്നും സിംഗ് വി .

കെജ്‍രിവാൾ നാമനിർദ്ദേശ പത്രിക നൽകി-വാരാണസിയിലെ ആം ആദ്മി പാർട്ടി സ്ഥാനാർത്ഥി അരവിന്ദ് കെജ്‍രിവാൾ നാമനിർദ്ദേശ പത്രിക സമർപ്പിച്ചു .

സോംനാഥ് ഭാരതിക്ക് നേരെ കയ്യേറ്റശ്രമം-ആംആദ്മി പാർട്ടി നേതാവ് സോംനാഥ് ഭാരതിക്ക് നേരെ കയ്യേറ്റ ശ്രമം; വാരാണസിയിലെ തെരഞ്ഞെടുപ്പ് പ്രചാരണത്തിനിടെയാണ് ആക്രമണമുണ്ടായത് .

മോദിയെ വിമർശിച്ച് ലാലു പ്രസാദ് യാദവ്-മോദിയുടെ പാപം വാരണാസിയിൽ കഴുകിക്കളയാനാകില്ലെന്ന് ലാലു പ്രസാദ് യാദവ് .

ഗിരിരാജ് സിംഗിന് അറസ്റ്റ് വാറണ്ട് -ബിഹാറിലെ നവാഡ മണ്ഡലത്തിലെ സ്ഥാനാർത്ഥി ഗിരിരാജ് സിംഗിന് അറസ്റ്റ് വാറണ്ട് . മതവിദ്വേഷം വളർത്തുന്ന പ്രസംഗം നടത്തിയതിനാണ് അറസ്റ്റ് വാറണ്ട് .

240 കോടി രൂപ പിടിച്ചെടുത്തു-തെരഞ്ഞെടുപ്പ് വിജ്ഞാപനം പുറപ്പെടുവിച്ച് ഇതുവരെ കണക്കിൽ പെടാത്ത 240 കോടി രൂപ പിടിച്ചെടുത്തതായി കേന്ദ്ര തെരഞ്ഞെടുപ്പ് കമ്മീഷൻ .

രാംദാസ് കദമിനെതിരെ കേസെടുത്തു-മതവിദ്വേഷമുണ്ടാക്കുന്ന പ്രസംഗം നടത്തിയതിന് ശിവസേന നേതാവ് രാംദാസ് കദമിനെതിരെ മുംബൈ പൊലീസ് കേസെടുത്തു .

മോദിക്കെതിരെ വീണ്ടും പ്രിയങ്ക ഗാന്ധി-ബിജെപിയുടെ പ്രചാരണം വ്യക്തി കേന്ദ്രീകൃതമെന്ന് പ്രിയങ്ക ഗാന്ധി .

കോളേജ് പ്രിൻസിപ്പലിനെതിരെ പരാതി നൽകി-മുംബൈ സെന്റ് സേവ്യേഴ്സ് കോളേജ് പ്രിൻസിപ്പലിനെതിരെ ബി ജെ പി തെരഞ്ഞെടുപ്പ് കമ്മീഷന് പരാതി നൽകി;ഗുജറാത്ത് മോഡലിനെ വിമർശിച്ച് വിദ്യാർഥികൾക്ക് ഇ-മെയിൽ അയച്ചെന്ന് ആരോപിച്ചാണ് പരാതി;തെരഞ്ഞെടുപ്പ് തലേദിവസം വിദ്യാർഥികളെ ബി ജെ പിക്ക് എതിരാക്കാൻ ശ്രമിച്ചെന്നാണ് ആരോപണം;എന്നാൽ താൻ ബി ജെ പിയെ മാത്രമല്ല കോൺഗ്രസിനെയും വിമശിച്ചിട്ടുണ്ടെന്നാണ് പ്രിൻസിപ്പലിന്റെ വിശദീകരണം .

അസം ഖാന് നോട്ടീസ്-സമാജ്‌വാദി പാർട്ടി നേതാവ് അസംഖാന് തെരഞ്ഞെടുപ്പ് കമ്മീഷൻ നോട്ടീസയച്ചു;വിലക്ക് മറികടന്ന് പ്രചാരണം നടത്തിയതിനും വിലക്കിനെ ചോദ്യം ചെയ്തതിനുമാണ് നോട്ടീസ് .

കൊല്ലത്ത് ജയിക്കുമെന്ന് യെച്ചൂരി-കൊല്ലത്ത് എം എ ബേബിതന്നെ ജയിക്കുമെന്ന് സീതാറാം യെച്ചൂരി; ബിജെപി കോൺഗ്രസിന് വോട്ടുമറിച്ചിട്ടുണ്ടാകാമെന്നും സീതാറാം യെച്ചൂരി; ഇക്കാര്യത്തിൽ സംസ്ഥാന ഘടകത്തിന്റെ അഭിപ്രായം ശരിയെന്നും യെച്ചൂരി ഏഷ്യാനെറ്റ് ന്യൂസിനോട്; ആർഎസ്പി എൽഡിഎഫ് വിട്ടത് കൊല്ലത്ത് അനിശ്ചിതത്വമുണ്ടാക്കിയെന്നും യെച്ചൂരി .

ദേശീയ വാർത്തകൾ-

സുപ്രീംകോടതി മാർഗരേഖ കൊണ്ടുവരും-രാഷ്ട്രീയ നേതാക്കളുടെ ചിത്രം വച്ച് സർക്കാർ പരസ്യം നൽകുന്നതിന് മാർഗരേഖ കൊണ്ടുവരും . നിലവിലുള്ള നിയമം ഇത് തടയാൻ പര്യാപ്തമല്ലെന്ന് സുപ്രീംകോടതി . മാർഗരേഖ തയ്യാറാക്കാൻ മുന്നംഗസമിതിക്ക് രൂപം നൽകി . എൻ ആർ മാധവമേനോൻ, പി കെ വിശ്വനാഥൻ, അഡ്വ രഞ്ജിത്കുമാർ എന്നിവരാണ് അംഗങ്ങൾ .

മൂന്ന് സിആർപിഎഫുകാർ മരിച്ചു-ദില്ലി ദ്വാരകയിലുണ്ടായ വാഹനാപകടത്തിൽ മൂന്ന് സിആർപിഎഫ് അംഗങ്ങൾ മരിച്ചു . സിആർപിഎഫ് വനിതാ അംഗങ്ങൾ സഞ്ചരിച്ചിരുന്ന വാഹനം ആണ് അപകടത്തിൽ പെട്ടത് .

വിദേശ വാർത്തകൾ-

സൈനിക നടപടിക്ക് ഉത്തരവ്-കിഴക്കൻ യുക്രൈനിൽ കയ്യേറ്റം നടത്തുന്ന റഷ്യൻ അനുകൂലികൾക്കെതിരായ സൈനിക നടപടി വീണ്ടും തുടങ്ങാൻ യുക്രൈൻ ആക്ടിങ് പ്രസിഡന്റിന്റെ ഉത്തരവ് . റഷ്യൻ അനുകൂലികൾ നടത്തിയ ആക്രമണത്തിൽ രണ്ടുപേർ മരിക്കാനിടയായ സാഹചര്യത്തിലാണ് തീരുമാനം . ആക്രമികളെ പിൻവലിക്കാൻ റഷ്യ തയ്യാറാകണമെന്ന് യുഎസ് വൈസ് പ്രസിഡന്റ് ജോ ബൈഡൻ .

തെരച്ചിൽ തുടരുന്നു-ദക്ഷിണ കൊറിയയിൽ യാത്രാക്കപ്പൽ മുങ്ങി കാണാതായവർക്കായി തെരച്ചിൽ തുടരുന്നു . 117 പേർ മരിച്ചതായി തീരസുരക്ഷാ സേന സ്ഥിരീകരിച്ചു . 474 യാത്രാക്കാരാണ് കപ്പലിൽ ഉണ്ടായിരുന്നത് .

കായികവാർത്തകൾ-

യുവേഫ ചാന്പ്യൻസ് ലീഗ്-യുവേഫ ചാന്പ്യൻസ് ലീഗിൽ ചെൽസി- അത്‍ലറ്റികോ മാഡ്രിസ് ആദ്യപാദ സെമിഫൈനൽ ഗോൾരഹിത സമനിലയിൽ . ഇന്ന് റയൽമാഡ്രിഡ് ബയേൺ മ്യൂണിക്കിനെ നേരിടും .

പരാതികൾ അറിയിക്കാം-ഏഷ്യാനെറ്റ് ന്യൂസിൽ സംപ്രേഷണം ചെയ്യുന്ന വാർത്തകളെയും പരിപാടികളെയും കുറിച്ച് നിങ്ങൾക്ക് പരാതികളോ ആക്ഷേപങ്ങളോ ഉണ്ടെങ്കിൽ ന്യൂസ് ബ്രോഡ്കാസ്റ്റിംഗ് അസോസിയേഷനെ അറിയിക്കാം; സന്ദർശിക്കുക http://www.nbanewdelhi.com .

ഐപിഎൽ-ഐപിഎല്ലിൽ കിങ്സ് ഇലവൻ പഞ്ചാബിന് തുടർച്ചയായ മൂന്നാം ജയം . ഹൈദരാബാദിനെ തോൽപ്പിച്ചത് 72 റൺസിന് . അഞ്ച് റൺസ് അകലെ മാക്‍സ്വെല്ലിന് സെഞ്ച്വറി നഷ്ടം . ഇന്ന് രാജസ്ഥാൻ റോയൽസ്, ചെന്നൈ സൂപ്പ‍ർകിങ്സ് പോരാട്ടം .

പാസ് വിതരണം തുടങ്ങി-ഏഷ്യാനെറ്റ് ന്യൂസും കോഴിക്കോട് കോര്‍പറേഷനും ചേര്‍ന്ന് ഈ മാസം 24ന് കോഴിക്കോട് ടാഗോർ സെന്റിനറി ഹാളിൽ സംഘടിപ്പിക്കുന്ന "പ്രിയപ്പെട്ട എംടി' എന്ന പരിപാടിക്കുള്ള പാസുകള്‍ ഏഷ്യാനെറ്റ് ന്യൂസിന്‍റെ കോഴിക്കോട് പി ടി ഉഷ റോഡിലെ ഓഫീസില്‍ നിന്ന് ലഭിക്കും .

JUST IN-മലപ്പുറത്ത് കൊടൂരിൽ മൈതാനത്തിൽ തീപ്പിടുത്തം . അഗ്നിശമന സേന തീയണയ്ക്കാൻ ശ്രമം തുടങ്ങി .

ഐപിഎല്ലിൽ ചെന്നൈക്ക് ജയം-

Now you are viewing stories from old website

Subscribe to our rss feed

Follow us on Facebook and twitter

Subscribe our youtube channel

Get Latest News in your e-mail Inbox!