31-Jul-2014 Thursday

FLASH NEWS "അനാഥാലയത്തിൽ ക്രമക്കേട്'-മുക്കം അനാഥാലയം സർക്കാർ ഗ്രാൻഡ് വാങ്ങിയതിൽ ക്രമക്കേടെന്ന് അന്വേഷണ റിപ്പോര്‍ട്ട് . അന്വേഷണ റിപ്പോര്‍ട്ട് മനുഷ്യാവകാശ കമ്മീഷൻ ഡി.ഐ.ജി ശ്രീജിത്തിന്‍റേത് .

FLASH NEWS 48 ലക്ഷം രൂപ വിദേശസഹായം കൈപ്പറ്റി-വിദേശ സഹായം കിട്ടിയ കാര്യം മറച്ചു വച്ചു . അന്വേഷണ റിപ്പോർട്ട് മനുഷ്യാവകാശ കമ്മിഷനും സര്‍ക്കാരിനും വിജിലന്‍സിനും കൈമാറി .

FLASH NEWS നടൻ ദിലീപ് ഏഷ്യാനെറ്റ് ന്യൂസിനോട്-ജീവിതത്തിൽ എടുത്ത തീരുമാനങ്ങൾ തെറ്റിയിട്ടില്ല .

കേരള വാർത്തകൾ-

പ്ലസ് ടു അഴിമതിക്ക് തെളിവ് -പ്ലസ് ടു അനുവദിക്കാൻ ഒരു കോടി രൂപ ചോദിച്ചെന്ന് കൊല്ലം പുത്തൂരിലെ സ്കൂൾ മാനേജർ ഏഷ്യാനെറ്റ് ന്യൂസിനോട് . പണം തന്നില്ലെങ്കിൽ നാല് പേരെ സ്കൂളിൽ നിയമിക്കണമെന്ന് ആവശ്യപ്പെട്ടെന്ന് മാനേജ‍ർ ഓമന ശ്രീറാം . 3 അധ്യാപകരെയും ഒരു പ്യൂണിനെയും നിയമിക്കണമെന്ന് ചില രാഷ്ട്രീയനേതാക്കൾ ആവശ്യപ്പെട്ടു . മുഖ്യമന്ത്രിക്ക് പരാതി നൽകുമെന്ന് എസ്എൻജിഡി സ്കൂൾ മാനേജർ .

ആരോപണത്തിൽ ഉറച്ച് ഫസൽ ഗഫൂർ-പ്ലസ് ടു കോഴ ആരോപണത്തിൽ ഉറച്ചുനിൽക്കുന്നുവെന്ന് ഫസൽ ഗഫൂർ .

പ്ലസ് ടുവിൽ ഹൈക്കോടതി -അധിക ബാച്ചുകൾ അനുവദിച്ചുകൊണ്ടുള്ള സർക്കാർ ഉത്തരവ് നാളെ ഹാജരാക്കണമെന്ന് ഹൈക്കോടതി . മാനദണ്ഡങ്ങൾ മറികടന്നാണ് ബാച്ചുകൾ അനുവദിച്ചതെന്ന ഹർജിയിലാണ് ഉത്തരവ് .

ലോട്ടറി ഡയറക്ടർ എം നന്ദകുമാറിനെ മാറ്റി-മുൻ നികുതി കമ്മീഷണർ രബീന്ദ്രകുമാർ അഗർവാൾ പുതിയ ഡയറക്ടർ; ഡയറക്ടർ സ്ഥാനത്ത് നിന്ന് മാറ്റാൻ താൻ ആവശ്യപ്പെട്ടിരുന്നതായി നന്ദകുമാർ .

ബ്ലാക്ക്മെയിൽ കേസിലെ സാക്ഷി ഏഷ്യാനെറ്റ് ന്യൂസിനോട്-വെഞ്ഞാറമൂട് സ്വദേശി രവീന്ദ്രന്റെ ആത്മഹത്യ ബ്ലാക്ക്മെയിൽ സംഘത്തിന്റെ ഭീഷണിയെ തുടർന്നാണെന്ന് സാക്ഷി വിൽസൺ പെരേര . കിടപ്പറരംഗങ്ങൾ ഭാര്യയെ കാണിക്കുമെന്ന് സംഘം ഭീഷണിപ്പെടുത്തി; തുടർന്ന് രവി മാനസിക സംഘർഷത്തിലായിരുന്നെന്ന് സാക്ഷി . റുക്സാനയുടെ കയ്യിൽ അശ്ലീല സിഡികൾ ഉണ്ടെന്നും വിൽസൺ പെരേര . കശുവണ്ടി വ്യവസായിക്ക് പുറമേ തടിവ്യവസായിയും വലയിൽ കുടുങ്ങിയെന്നും സാക്ഷി വിൽസൺ പെരേര . പരാതിക്കാരൻ സജിയും താനും CD കണ്ടെന്നും സാക്ഷിയുടെ വെളിപ്പെടുത്തൽ .

തെളിവെടുത്തു-ബ്ലാക്ക്മേയിലിംഗ് കേസിലെ മുഖ്യപ്രതി ജയചന്ദ്രനെ കൈതമുക്കിൽ കൊണ്ടുവന്ന് തെളിവെടുത്തു . ജയചന്ദ്രൻ തിരുവനന്തപുരത്ത് മറ്റോരു വീട് കൂടി വാടകക്കെടുത്തിരുന്നു; ഇവിടെ പൊലീസ് പരിശോധന നടത്തി .

മുക്കത്ത് ലൈംഗിക ചൂഷണം നടന്നിട്ടില്ലെന്ന് ക്രൈംബ്രാഞ്ച് -മുക്കം അനാഥാലയത്തിൽ ലൈംഗിക ചൂഷണം നടന്നതിന് തെളിവില്ലെന്ന് ക്രൈംബ്രാഞ്ച് ഹൈക്കോടതിയിൽ . കുട്ടികളെ കൊണ്ടുവന്നത് വിദേശത്ത് നിന്നടക്കമുള്ള ഫണ്ട് നേടിയെടുക്കാൻ . ഡിവിഷൻ നഷ്ടപ്പെടാതിരിക്കുകയും ലക്ഷ്യം . ജാർഖണ്ഡിൽനിന്ന് കുട്ടികളെ കൊണ്ടുവന്നത് വ്യാജ രേഖകൾ ഉപയോഗിച്ചെന്നും ക്രൈംബ്രാഞ്ച് .

സൗകര്യങ്ങളില്ലാത്ത പൊലീസ് പരാതി അതോറിറ്റി -ജില്ലാ പൊലീസ് പരാതി അതോറിറ്റിയിൽ അടിസ്ഥാന സൗകര്യങ്ങൾ പോലുമില്ല; അതോറിറ്റിക്ക് വാഹനം, ഓഫീസ്, സ്റ്റാഫ് എന്നിവ അനുവദിച്ചിട്ടില്ല; മതിയായ സൗകര്യങ്ങളില്ലാത്തതിനാൽ സിറ്റിംഗ് മുടങ്ങുന്നു .

നിയമഭേദഗതി അംഗീകരിക്കില്ല-കേന്ദ്രസർക്കാർ കൊണ്ടുവരുന്ന തൊഴിൽ നിയമഭേദഗതി അംഗീകരിക്കില്ലെന്ന് സിഐടിയു .

കേസ് പരിഗണിക്കുന്നത് മാറ്റി-കവിയൂർ കേസ് പരിഗണിക്കുന്നത് സെപ്റ്റംബർ 25ലേക്ക് സിബിഐ പ്രത്യേക കോടതി മാറ്റി .

മാവോയിസ്റ്റ് ബന്ധം-സ്വിസ് പൗരന്‍റെ മാവോയിസ്റ്റ് ബന്ധത്തിന് കൂടുതല്‍ തെളിവുകള്‍ കിട്ടിയതായി പോലീസ് .

മൃതദേഹം കരക്കടിഞ്ഞു-കോഴിക്കോട് കടലിൽ കുളിക്കുന്നതിനിടെ കാണാതായ സഹോദരങ്ങളിൽ ഒരാളുടെ മൃതദേഹം കരക്കടിഞ്ഞു; ജിഷാദിന്റെ മൃതദേഹമാണ് ഗുജറാത്തി സ്കുളിന് സമീപം കരക്കടിഞ്ഞത് .

അറസ്റ്റ് ചെയ്തു-ഗുണ്ടാ ലിസ്റ്റിൽപ്പെട്ട തൃശ്ശൂർ നാട്ടിക സ്വദേശി ശരത്തിനെ പൊലീസ് അറസ്റ്റ് ചെയ്തു; നിരവധി ക്രിമിനൽ കേസുകളിൽ പ്രതിയാണ് ഇയാൾ .

ഹെറോയിനുമായി പിടിയിലായി -തലശ്ശേരിയിൽ 5 ലക്ഷം രൂപയുടെ ഹെറോയിനുമായി ഒരാളെ പിടികൂടി; ചാലാട് സ്വദേശി സാദിഖാണ് പിടിയിലായത് .

ദേശീയ വാര്‍ത്തകള്‍-

പാർലമെന്റിൽ പ്രതിപക്ഷ ബഹളം-ടെലിഫോൺ ചോർത്തലും രഹസ്യ നിരീക്ഷണവും ചർച്ച ചെയ്യണമെന്നാവശ്യപ്പെട്ട് പാർലമെന്റിൽ പ്രതിപക്ഷ ബഹളം .

അന്വേഷിക്കും-2006ൽ മീററ്റിലുണ്ടായ തീപിടിത്തത്തിൽ 60 പേർ മരിച്ച സംഭവത്തെകുറിച്ച് അന്വേഷിക്കാൻ മുൻ ജഡ്ജി എസ് ബി സിൻഹയെ സുപ്രീംകോടതി നിയമിച്ചു .

ജോൺ കെറി പ്രധാനമന്ത്രിയെ കാണും -അമേരിക്കൻ വിദേശകാര്യസെക്രട്ടറി ജോൺ കെറി പ്രധാനമന്ത്രി നരേന്ദ്രമോദി, വിദേശകാര്യമന്ത്രി സുഷമ സ്വരാജ് എന്നിവരുമായും ഇന്ന് കൂടിക്കാഴ്ച നടത്തും .

ചുമതല കൈമാറി-ദൽബീർ സിംഗ് സുഹാഗിന് ബിക്രം സിംഗ് കരസേനാ മേധാവിയുടെ ചുമതല കൈമാറി . ലോകത്തെ ഏറ്റവും മികച്ച സൈന്യങ്ങളിലൊന്നിനെയാണ് നയിച്ചിരുന്നതെന്ന് ബിക്രം സിംഗ് . കോഴിക്കോട് ഏലത്തൂരിൽ ഓട്ടോയും ലോറിയും കൂട്ടിയിടിച്ച് അച്ഛനും മകനും മരിച്ചു; കൊയിലാണ്ടി സ്വദേശി ആലിക്കുട്ടി (53) മകൻ ജമീർ(24) എന്നിവരാണ് മരിച്ചത് .

പൂനെ മണ്ണിടിച്ചില്‍-പൂനെയിൽ മണ്ണിടിച്ചിലില്‍ മരണം 17 ആയി;200 പേർ കുടുങ്ങിയെന്ന് ആശങ്ക;രക്ഷാപ്രവർത്തനം തുടരുന്നു. .

കോമൺവെൽത്ത് ഗെയിംസ് വാർത്തകൾ-

ഗുസ്തിയിൽ ഇന്ത്യയ്ക്ക് നിരാശ-ഗുസ്തിയിൽ ഇന്ത്യയ്ക്ക് നിരാശ; 4 ഇന്ത്യൻ താരങ്ങൾക്കും സ്വർണമില്ല; സത്യവർദ്ധ് കദിയനും, ബജ്റംഗിനും സാക്ഷി മാലിക്കിനും, ലളിതക്കും വെള്ളി മെഡൽ മാത്രം .

ടിന്റു ലൂക്ക ഇന്നിറങ്ങും-വനിതകളുടെ 800 മീറ്റർ സെമിയിൽ ടിന്റുലൂക്ക ഇന്നിറങ്ങും;ഇന്ത്യൻ സമയം രാത്രി 11.20നാണ് സെമി ഫൈനൽ .

വികാസ് ഗൗഡ ഫൈനലിൽ -ഡിസ്കസ് ത്രോ ഫൈനൽ മത്സരം ഇന്ന് നടക്കും; ഇന്ത്യൻ പ്രതീക്ഷകൾ വികാസ് ഗൗഡയിൽ; രാത്രിയാണ് മത്സരം .

മെഡൽ പട്ടിക-34 സ്വർണ്ണവും 34 വെള്ളിയും 29 വെങ്കലവുമായി ഇംഗ്ലണ്ട് ഒന്നാമത്; ഓസ്ട്രേലിയ രണ്ടാമത്; കാനഡ മൂന്നാം സ്ഥാനത്ത്; 10 സ്വർണ്ണവും 19 വെള്ളിയും 12 വെങ്കലവുമുള്ള ഇന്ത്യ മെഡൽപ്പട്ടികയിൽ ആറാം സ്ഥാനത്താണ് .

വിദേശവാര്‍ത്തകള്‍-

ഗാസ്സയില്‍ ആക്രമണം രൂക്ഷം-ഗാസ്സയില്‍ ഇസ്രായേല്‍ നടത്തിയ ബോംബാക്രമണത്തില്‍ 104 പേര്‍ കൊല്ലപ്പെട്ടു; സ്കൂളില്‍ പ്രവര്‍ത്തിക്കുന്ന ഐക്യരാഷ്ട്രസഭയുടെ അഭയാര്‍ഥി ക്യാന്പില്‍ വീണ്ടും ബോംബാക്രമണം .

പരാതിപ്പെടാം -ഏഷ്യാനെറ്റ് ന്യൂസ് സംപ്രേഷണം ചെയ്യുന്ന പരിപാടികളെ കുറിച്ച് പരാതികളുണ്ടെങ്കിൽ http://www.nbanewdelhi.com എന്ന വെബ്സൈറ്റിൽ പരാതിപ്പെടാം .

JUST IN-

പലിശ എഴുതിത്തള്ളണമെന്ന് മുഖ്യമന്ത്രി-ഇറാഖിൽ നിന്നും മടങ്ങിയെത്തിയ നഴ്സുമാരുടെ വിദ്യാഭ്യാസവായ്പ പലിശ എഴുതിത്തള്ളണമെന്ന് മുഖ്യമന്ത്രി . എടുത്ത തുകയേക്കാൾ കുടുതൽ തുക അടച്ചിട്ടുണ്ടെങ്കിൽ വായ്പ മുഴുവൻ എഴുതിത്തള്ളണമെന്നും ഉമ്മൻചാണ്ടി .

Now you are viewing stories from old website

Subscribe to our rss feed

Follow us on Facebook and twitter

Subscribe our youtube channel

Get Latest News in your e-mail Inbox!