21-Apr-2014 Monday
img

FLASH NEWS ഫോർട്ട് പൊലീസ് സ്റ്റേഷനിലെ ഉരുട്ടിക്കൊലക്കേസ്-കുറ്റപത്രത്തിലെ ആരോപണങ്ങൾ പരസ്പര വിരുദ്ധമെന്ന് കോടതി . തെളിവ് നശിപ്പിക്കുന്നതിനായി ഗുഢാലോചന നടത്തിയെന്ന് കോടതി . കൊലയ്ക്ക് ശേഷം പ്രതികൾ ചർച്ച നടത്തിയ ഉന്നത ഉദ്യോഗസ്ഥൻ ആരെന്നും കോടതി ചോദിച്ചു . കുറ്റപത്രത്തിലെ പാളിച്ച വിശദീകരിക്കാൻ CBIക്ക് കൂടുതൽ സമയം അനുവദിച്ചു . കേസ് ഈ മാസം 30 ലേക്ക് മാറ്റി . തിരുവനന്തപുരം CBI പ്രത്യേക കോടതിയുടെതാണ് ഉത്തരവ് .

FLASH NEWS "ബാറുകൾക്ക് നിയന്ത്രണം വേണം'-നിലവാരമില്ലാത്ത ബാറുകൾക്ക് നിയന്ത്രണം വേണം: പി.കെ.കുഞ്ഞാലിക്കുട്ടി . പെട്ടിയിലിരിക്കുന്ന വോട്ടുകളെപ്പറ്റി പറയുന്നത് മണ്ടത്തരമാണെന്നും കുഞ്ഞാലിക്കുട്ടി .

കേരള വാർത്തകൾ-

ബാർ ലൈസൻസ് പുതുക്കൽ-ബാർ ലൈസൻസുകൾ പുതുക്കുന്ന കാര്യത്തിൽ സർക്കാർ തീരുമാനം ഇന്നറിയാം; കെപിസിസി - സര്‍ക്കാര്‍ ഏകോപനസമിതി ഇന്ന് ചേരും .

നേതൃയോഗം-മുസ്ലീം ലീഗിന്‍റെ സംസ്ഥാന നേതൃയോഗം പുരോഗമിക്കുന്നു; തെരഞ്ഞെടുപ്പ് അവലോകനം പ്രധാന അജണ്ട . ലയനം തീരുമാനിക്കാൻ ആർഎസ്പി സംസ്ഥാനസെക്രട്ടേറിയേറ്റും സംസ്ഥാന സമിതിയും ചേരുന്നു; തെരഞ്ഞെടുപ്പ് അവലോകനം ചർച്ചയിൽ .

എഞ്ചിനീയറിംഗ് പ്രവേശനപരീക്ഷ -കേരള മെഡിക്കൽ - എഞ്ചിനീയറിംഗ് പ്രവേശന പരീക്ഷ തുടങ്ങി; ഒരു ലക്ഷത്തി നാൽപത്തി എണ്ണായിരം വിദ്യാർത്ഥികളാണ് പരീക്ഷ എഴുതുന്നത് .

യുവതിയെ കുത്തിക്കൊന്നു-ഇടുക്കി കുമളിയിൽ ബസ് സ്റ്റാന്റിൽ യുവാവ് യുവതിയെ കുത്തിക്കൊലപ്പെടുത്തി; തമിഴ്നാട് ബോഡി സ്വദേശി അന്നലക്ഷ്മിയാണ് മരിച്ചത്; ഒപ്പം താമസിച്ചിരുന്ന മണികണ്ഠൻ പൊലീസ് കസ്റ്റഡിയിൽ .

അറസ്റ്റ് ചെയ്തു-കൊച്ചി മെട്രോയുടെ മുട്ടം യാർഡിന്റെ പ്രവർത്തനം തടസ്സപ്പെടുത്തിയ സ്ഥലമുടമകളെ ആലുവ പൊലീസ് അറസ്റ്റ് ചെയ്തു; റഫീഖ്,സുജിത് എന്നിവരാണ് അറസ്റ്റിലായത് .

ബോംബേറ്-കണ്ണൂ‍ർ പെരിങ്ങോമിനടുത്ത് പെടേന്നയിൽ എസ് ഡി പി ഐ പ്രവർത്തകന്റെ വീടിന് ബോംബേറ്; ലോക്സഭാ തെരഞ്ഞെടുപ്പിൽ എസ് ഡി പി ഐയുടെ ബൂത്ത് ഏജന്റായിരുന്ന ആഖിബിന്റെ വീടിന് നേരേയാണ് ബോംബേറ് .

വാഹനാപകടം-മാവേലിക്കര പല്ലാരിമംഗലത്ത് സിമെന്റ് കയറ്റിവന്ന ലോറി മറിഞ്ഞ് സൈക്കിൾ യാത്രക്കാരൻ മരിച്ചു; ബുധനൂർ സ്വദേശി രാമചന്ദ്രൻ(66)ആണ് മരിച്ചത് .

അന്തരിച്ചു-പരേതനായ പ്രഫസർ എം പി ശ്രീധരന്റെ ഭാര്യ പി ലക്ഷ്മി(81) കോഴിക്കോട്ട് അന്തരിച്ചു; സംസ്കാരം നാളെ രാവിലെ ഒന്പതിന് മാവൂർ റോഡ് ശ്മശാനത്തിൽ .

സ്വർണവില കുറഞ്ഞു-സ്വർണവില ഗ്രാമിന് 15 രൂപ കുറഞ്ഞ് 2785 രൂപയായി; പവന് 120 രൂപ കുറഞ്ഞ് 22,280 രൂപ .

ദേശീയവാർത്തകൾ-

പാസ്വാൻ ഏഷ്യാനെറ്റ് ന്യൂസിനോട്-തെരഞ്ഞെടുപ്പിന് ശേഷം NDA അധികാരത്തിലെത്തിയാൽ പൊതുമിനിമം പരിപാടി ഉണ്ടാകുമെന്ന് ലോക് ജനശക്തി പാർട്ടി നേതാവ് രാംവിലാസ് പാസ്വാൻ ഏഷ്യാനെറ്റ് ന്യൂസിനോട് .

ഗോവ സർക്കാരിന് നോട്ടീസ് -തെഹൽക്ക മുൻ എഡിറ്റർ തരുൺ തേജ്പാലിന്റെ ജാമ്യാപേക്ഷയിൽ സുപ്രീംകോടതി ഗോവ സർക്കാരിന് നോട്ടീസ് നൽകി; നാലാഴ്ചയ്ക്കകം മറുപടി നൽകണമെന്ന് സുപ്രീംകോടതി നിർദ്ദേശിച്ചു .

ഹർജി നൽകി-മൂന്നാം ലിംഗത്തിന് അംഗീകാരം നൽകിയ സുപ്രീം കോടതി വിധിയുടെ പശ്ചാത്തലത്തിൽ സ്വവർഗാനുരാഗം നിയമ വിധേയമാക്കണമെന്ന് ആവശ്യപ്പെട്ട് സുപ്രീംകോടതിയിൽ ഹർജി . സുപ്രീംകോടതി വിധിയുടെ പശ്ചാത്തലത്തിൽ സ്വവർഗാനുരാഗം നിയമ വിരുദ്ധമാണെന്ന മുൻ ഉത്തരവ് പുന:പരിശോധിക്കണമെന്നും ആവശ്യം .

വിദേശവാർത്തകൾ-

വീണ്ടും ആക്രമണം-സമാധാന കരാർ ലംഘിച്ച് കിഴക്കൻ യുക്രൈനിൽ ചെക്പോസ്റ്റിന് നേരെ ആക്രമണം; ആക്രമണത്തിന് പുറകിൽ യുക്രൈനെന്ന് റഷ്യ; ആരോപണം നിഷേധിച്ച് യുക്രൈൻ; ഉപരോധം ശക്തിപ്പെടുത്തേണ്ടിവരുമെന്ന് അമേരിക്ക .

ഗാബോയ്ക്ക് വിട-വിഖ്യാതസാഹിത്യകാരൻ ഗബ്രിയൽ ഗാർസ്യ മാർകേസിന്റെ സംസ്കാരച്ചടങ്ങുകൾ മെക്സിക്കോ സിറ്റിയിൽ നടന്നു; മാർകേസിന് ജന്മനാടായ കൊളംബിയ ആദരമർപ്പിക്കുന്ന ചടങ്ങ് നാളെ നടക്കും .

കായികവാർത്തകൾ-

കിങ്സ് ഇലവന് വിജയം-ഐപിഎല്ലിൽ രാജസ്ഥാൻ റോയൽസിനെതിരെ കിംഗ്സ് ഇലവൻ പഞ്ചാബിന് ഉജ്ജ്വല വിജയം; മില്ലറിനും മാക്സ്‍വെല്ലിനും അർദ്ധസെഞ്ച്വറി . ഇന്ന് ചെന്നൈ സൂപ്പ‍ർ കിംഗ്സ് ഡെൽഹി ഡെയർഡെവിൾസിനെ നേരിടും .

യുണൈറ്റഡിന് തോൽവി-ഇംഗ്ലീഷ് പ്രീമിയർ ലീഗ് ഫുട്ബോളിൽ മാഞ്ചസ്റ്റർ യുണൈറ്റഡിനെ എട്ടവർട്ടൺ എതിരില്ലാത്ത രണ്ടുഗോളിന് തോൽപ്പിച്ചു; ഹൾസിറ്റിയെ ആഴ്സണൽ എതിരില്ലാത്ത മൂന്നുഗോളിന് തകർത്തു; പൊഡോൾസ്കി ഇരട്ടഗോൾ നേടി .

ബാഴ്സലോണയ്ക്ക് ജയം-സ്പാനിഷ് ലീഗിൽ അത്‍ലറ്റിക്ക് ബിൽബാവോയെ 2-1ന് ബാഴ്സലോണ തോൽപ്പിച്ചു .

പാസ് വിതരണം തുടങ്ങി-ഏഷ്യാനെറ്റ് ന്യൂസും കോഴിക്കോട് കോര്‍പറേഷനും ചേര്‍ന്ന് ഈ മാസം 24ന് കോഴിക്കോട് ടാഗോർ സെന്റിനറി ഹാളിൽ സംഘടിപ്പിക്കുന്ന 'പ്രിയപ്പെട്ട എംടി' എന്ന പരിപാടിക്കുള്ള പാസുകള്‍ ഏഷ്യാനെറ്റ് ന്യൂസിന്‍റെ കോഴിക്കോട് പി ടി ഉഷ റോഡിലെ ഓഫീസില്‍ നിന്ന് ലഭിക്കും .

പരാതികൾ അറിയിക്കാം-ഏഷ്യാനെറ്റ് ന്യൂസിൽ സംപ്രേഷണം ചെയ്യുന്ന വാർത്തകളെയും പരിപാടികളെയും കുറിച്ച് നിങ്ങൾക്ക് പരാതികളോ ആക്ഷേപങ്ങളോ ഉണ്ടെങ്കിൽ ന്യൂസ് ബ്രോഡ്കാസ്റ്റിംഗ് അസോസിയേഷനെ അറിയിക്കാം; സന്ദർശിക്കുക http://www.nbanewdelhi.com .

JUST IN-

Now you are viewing stories from old website

Subscribe to our rss feed

Follow us on Facebook and twitter

Subscribe our youtube channel

Get Latest News in your e-mail Inbox!