തട്ടത്തിന്‍ മറയത്ത് നൂറുദിനം പിന്നിട്ടു

മലയാള ചലച്ചിത്ര പ്രേക്ഷകര്‍ക്ക് വ്യത്യസ്ഥ പ്രണയാനുഭവം സമ്മാനിച്ച തട്ടത്തിന്‍ മറയത്ത് സിനിമയുടെ നൂറാം ദിന വിജയാഘോഷം

കൊച്ചി: മലയാള ചലച്ചിത്ര പ്രേക്ഷകര്‍ക്ക് വ്യത്യസ്ഥ പ്രണയാനുഭവം സമ്മാനിച്ച തട്ടത്തിന്‍ മറയത്ത് സിനിമയുടെ നൂറാം ദിന വിജയാഘോഷം കൊച്ചിയില്‍ നടന്നു. താരങ്ങളുടെയും സാങ്കേതിക പ്രവര്‍ത്തകരുടേയും സാന്നിധ്യത്തിലായിരുന്നു ആഘോഷം. മലയാളികള്‍ക്ക് മുന്നിലെത്തിയ വ്യത്യസ്ഥമായൊരു പ്രണയചിത്രമായിരുന്നു തട്ടത്തിന്‍ മറയത്ത്. വിനോദിന്‍റെ ആയിഷയുടെയും ഇഷ്ടം സിനിമാപ്രേമികള്‍ ഏറ്റെടുക്കുകയും ചെയ്തു. നായകനായ നിവിന്‍ പോളിയുടെയും നായിക ഇഷാ തല്‍വാറും തന്നെയായിരുന്നു ആഘോഷദിനത്തിലെ ശ്രദ്ധാകേന്ദ്രങ്ങള്‍. ഒപ്പം മലര്‍വാടി ആര്‍ട്സ് ക്ളബിനുശേഷം തട്ടത്തിന്‍ മറയത്തുകൂടി വിജയതീരത്തെത്തിച്ച സംവിധായകന്‍ വിനീത് ശ്രീനിവാസനും. ചിത്രത്തിലെ ഹിറ്റു ഗാനങ്ങളില്‍ സദസിനുമുന്നില്‍ ആലപിക്കുന്നതിനും ഇവര്‍ മറന്നില്ല. സൗഹൃദത്തിന്‍റെയും കൂട്ടായ്മയുടേയും വിജയമാണ് സിനിമകളെന്ന് വിനീത് ശ്രീനിവാസന്‍ പറഞ്ഞു. നിര്‍മാതാക്കളായ മുകേഷും ശ്രീനിവാസനും താരങ്ങളേയും അണിയറപ്രവര്‍ത്തകരേയും അനുമോദിച്ചു.

Malayalam latest news current news malayalam asianet news malayalam film news, malayalam entertainment news, Thattathin marayath