മലയാളിയായ മെലീസ രാജു തോമസ് നേവി ക്യൂന്‍

സുന്ദരികളുടെ ക്യാറ്റ് വാക്കിനുശേഷം ഗായിക മഞ്ജരിയും പര്‍വീണ്‍ ഹാഫിസുമടക്കമുളള ജഡ്ജിംഗ് പാനലില്‍ നിന്നുള്ള...

 നാവികസേനയുടെ സൗന്ദര്യരാജ്ഞി പട്ടം തിരുവനന്തപുരം സ്വദേശി മെലീസ രാജു തോമസിന്..രണ്ടും മൂന്നും സ്ഥാനങ്ങളും മലയാളികള്‍ക്കാണ്. ഇതാദ്യമായാണ് നേവി ക്യൂന്‍ മത്സരത്തില്‍ ആദ്യ മൂന്ന് സ്ഥാനങ്ങളും മലയാളി പെണ്‍കുട്ടികള്‍ സ്വന്തമാക്കുന്നത്. മൂന്ന് റൗണ്ടുകളിലായിട്ടായിരുന്നു മത്സരം. സുന്ദരികളുടെ ക്യാറ്റ് വാക്കിനുശേഷം ഗായിക മഞ്ജരിയും പര്‍വീണ്‍ ഹാഫിസുമടക്കമുളള ജഡ്ജിംഗ് പാനലില്‍ നിന്നുള്ള ചോദ്യശരങ്ങള്‍. വ്യക്തികളുടെ സൗന്ദര്യം കാണുന്നവരുടെ മനസുകളിലാണെന്നാണന്നും പ്ലാസ്റ്റിക് സര്‍ജറി സൗന്ദര്യത്തിനായുള്ള മാര്‍ഗമായി സ്വീകരിക്കില്ലെന്നും പറഞ്ഞ് മെലീസ കയ്യടി നേടി. തുടര്‍ന്ന് ഗൗണ്‍ റൗണ്ട്.

രാജ്യത്തിന്‍റെ പല ഭാഗത്തു നിന്നുള്ള 9 സുന്ദരിമാരെ പിന്തള്ളി മെലീസ രാജു തോമസ് ദക്ഷിണ നാവികസേനയുടെ സൗന്ദര്യറാണിയായി. ദക്ഷിണ നാവിക സേനാ മേധാവി വൈസ് അഡ്മിറല്‍ സതീഷ് സോണി വിജയിയെ ക്വീന്‍ പട്ടമണിയിച്ചു. മലപ്പുറം സ്വദേശി അനീഷ സല്‍മ ഉമ്മര്‍ റണ്ണറപ്പും കൊച്ചി സ്വദേശി പവിത്രമേനോന്‍ സെക്കന്‍റ് റണ്ണറപ്പുമായി. തിരുവനന്തപുരം സ്വദേശിയായ ലഫ്നന്‍റ് കേണല്‍ ഒ.ടി രാജുവിന്‍റേയും സുമം രാജുവിന്‍റേയും മകളായ മെലീസയിപ്പോള്‍ സിംഗപ്പൂരില്‍ ബിബിഎ വിദ്യാര്‍ത്ഥിയാണ്.

വിക്കി ഡോണര്‍ ചിത്രത്തിലെ നായകനായ ആയുഷ്മാന്‍റെ ഗാനങ്ങളും നൃത്തവും സദസ്സിനെ ഇളക്കി മറിച്ചു.